مستەفا کازمی سەروک وەزیرێن عیراقێ، ئەڤرو گرتنا تورەکا تیرورستی راگەھاند و ئاشکرا دکەت ئەو تورە ئەنجامدەرێن پەقینا بازارێ وەحیلاتی ل دەڤەرا سەدر بوون.
مستەفا کازمی د تویتەکی دا ل سەر ھژمارا تایبەتا خو نڤیسیە، روندک و ھەوارێن خێزانێن شەھیدێن دەڤەرا سەدر رێنیشاندەرێن مە بوون بو گرتنا وێ تورا تیرورستی یا ترسنوک کو پلاندارێژ و جێبەجێکرێن ھێرشا تیرورستی یا بازارێ وەحیلات بوون.
کازمی گوتی ژی : دێ وان ھەمی تیرورستان روی ب رویێ دادگەھێ و گەلی کەین و دبنە پەند بو ھەمی دەستدرێژیێن تیرورستی.
ھەڤدەم شەڤا ١٩ ڤێ ھەیڤێ، ژ ئەنجامێ پەقینەکێ ل دەڤەرا سەدر ل بەغدا، ٣٠ کەس ھاتنە کوشتن و پتری ٥٠ کەسێن دی برینداربوون، پشتی پەقینێ ژی، مستەفا کازمی فەرمانکر ب گرتنا فەرماندەیێ فەجوا ئێکا لیوا چارا پولیسێن فیدرالی کو بەرپرسێ دوسەیا ئەمنیا بازارێ وەحیلات دەڤەرا سەدر بوو.
Comments are closed, but trackbacks and pingbacks are open.