مستەفا کازمی، سەرۆک وەزیرێن ئیراقێ راگەهاند، پێدڤیە لایەنێن سیاسی بەرپرسیارەتیێ ب ستویێ خوە ڤە بگرن و کار بۆ پێکئینانا حکومەتەکێ بکەن کو بشێت خزمەتا وەلاتیان بکەت، هار وەسا ئاماژە کریە، پێدڤیە لژنا دارشتنا دەستووری بهێتە کارا کرن ڤە و گەلەک ژ وان خالان بهێنە راستڤەکرن یێن کو بوینە ئاستەنگ بۆ دانانا بنیاتەکێ نوی بۆ ئیراقێ.
ل گۆرەی راگەهاندنەکا نڤیسینگەها راگەهاندنا مستەفا کازمی، سەرۆک وەزیرێن ئیراقێ، ئەڤرۆ ئێک شەمبی 20-3-2022 ل دەمێ ڤەکرنا نەخوشخانا بەتوول یا فێرکاریێ ل رۆژئاڤایێ باژێرێ میسل کو ژ 220 تەختان پێک دهێت راگەهاند، پشتی شەش مەهان ژ ئەنجامدانا هەلبژارتنان، پێدڤیە لایەنێن سیاسی بەرپرسیارەتیێ ب ستویێ خوەڤە بگرن و کار بۆ پێکئینانا حکومەتەکێ بکەن کو شیان هەبن خزمەتا وەلاتیان بکەت.
کازمی گوتیە: بلا نەرمی و سستی بەس بیت، پێدڤیە ئەڤرۆ پێکڤە کار بکەین بۆ ڤەگەراندنا رێزێ بۆ هەمی ئیراقێ، پێدڤیە ل وان هەمی وێستگەهان ب راوستین یێن کو ئەم توشی ڤان هەمی ئاستەنگێن سیاسی کرین، پێدڤیە لژنا دارشتنا دەستووری کارا بکەینە ڤە و گەلەک ژ وان خالان راستڤە بکەین یێن کو بوینە ئاستەنگ د رێیا دانانا بنیاتەکێ نوی دا بۆ ئیراقی.
Comments are closed, but trackbacks and pingbacks are open.