مستەفا کازمی سەرۆک وەزیرێن عیراقێ و شاندێ دگەل دا رۆژا پێنج شەمبیێ ژ ئەمریکا ڤەگەڕیاڤە بەغدا و دوماھی ب سەرەدانا خۆ یا چوار رۆژی ئینا بۆ ئەمریکا کو تێدا کازمی دگەل جۆبایدن سەرۆکێ ئەمریکا و چەندین بەرپرسێن بلند کۆمبوو.
میدیایێن عیراقی بەلاڤ کرن , پشتی گەھشتیە فرۆکەخانەیا بەغدا کازمی دگەل بەرپرسێن بلندێن عیراقێ کۆمبوو و راگەھاند : سەرەدانا وی پڕ خێر و بێر بوویە بۆ عیراقێ و ئەو بابەتەژی کو دماوێ چوار رۆژێن مانا خۆدا ل ئەمریکا دانوستاندن ل سەر کرین پێکھاتینە ژ لایەنێن ئەمنی و ساخلەمی و فێرکاری و ژینگەە , دگەل وەبەرھێنانا بەردەوام ل عیراقێ .
کازمی گوت ژی : ئێک ژ خالێن گرنگێن کو دگەل ئەمریکا گەنگەشە کریە نەمانا چ ھێزەکا ئەمریکی بوویە ل عیراقێ ھەتا ٣١ ی کانوونا ئێکێ یا ئەڤساڵە .
کازمی دیار ژی کر : سۆپاسیا ئەمریکا و گەلێ وێ دکەت کو شیاینە ١٧ ھزار پارچە شینوارێن دێرینێن عیراقێ بزڤڕینیت بەری کو دبازاڕێ رەش دا بھێنە فرۆتن .
ل دوماھیا ئاخڤتنێن خۆ ژی مستەفا کازمی سەرۆک وەزیرێن عیراقێ ئاشکرا کر : ئەمریکا رژدە ل سەر ھەلبژارتنێن ١٠ / ١٠ یێن ئەڤساڵە کو د ژڤانێ خۆیێ دیار کری دا بھێنە ئەنجام دان
Comments are closed, but trackbacks and pingbacks are open.