مسرور بارزانی، کابینا نەهێ

مسرور بارزانی، کابینا نەهێ

بێوارحسێن زێباری، هەولێر:
ژ دەستپێکرنا دەستبکاربوونا کابینەیا نەهێ، ب سەرپەرشتیا مسرور بارزانی، هەر ژ ڕۆژێن ئێکێ تا ئەڤرۆکە، ئەم ب چاڤێن خۆ دبینن ژ دوویر بانگەشەیا هەلبژاردنان کو ڕۆژانە سەرۆک و برای گەورە ل دەڤەرەکێیە بۆ خزمەتکرنا وەلاتیان و ئاڤاکرنا گەل و وەلاتی.
مسرور بارزانی، دەمێ ئەڤ کابینە وەرگرتی، نەک ڕۆژهەلاتا ناڤی و هەرێم بەڵکو جیهان پتریا وێ د قەیران و کاودانان دا بوویە، ئەڤە و سەدان ئەگەرێن دیتر کەڤتنە بەر کار و پلانێن جێبەجێکرنا کار و پڕۆژین خۆ یێن هاتینە دانان، لێ دگەل تیما خۆ یا وەزیران و خۆڕاگریا وەلاتیێن هەرێمێ ئەڤرۆکە گەهشتە ڤێ قویناغێ و بەردەوامە ژی کار و خزمەتا وان.
د ڤێ کابینێ دا، چەندین کارێن هەرە باش هاتنە ئەنجامدان، ژ ڕویێ گشت سکتەرێن ژیانێ ڤە و ژبلی وان لایەن و کەسێن بەردەوام ب هەمی ڕێیان کو هێرش کرە سەر ڤێ کابینێ ب هەر حال تنێ بۆ شکەستن و نەگەهشتنا ئارمانجا خۆ، بەلێ خۆشبەختانە ئەڤێ کابینێ چوک نەدانان ل بەر ڤێ زۆلم و زۆردارییا ل هەمبەرێ وەلاتیان دهێتە کرن، ئەو زێدەتر بەردەوام بوو ل سەر ئاڤاکرنێ و پێکڤە ژیانێ.
زۆر جاران دهێـــــتە گوتن و بیهیستن، ئەڤ کابینە تنێ بۆ لایەنێ دەستهەڵاتێ کار دکەت، ئەگەر ئەڤ چەندە ژی وەسا بهێــــتە دیتن ژلایێ وانڤە و ئەو سەرەدان و کار و بەرنامێن ژلایێ حکومەتێ ڤە و برا گــــەورەی ڤە هاتینە کرن، ل بن سێبەرا وانڤە کو ئەو داهات و بووچەیێ وان و چ کار و پلانێن داڕیشتی نەهاتنە ئەنجامدان، ژبلی ڕێگریا وان کری ل هەمبەرێ وێ پلانا هاتیە دانان، نموونە پێکئینان لژنەکێ ژلایێ حکومەتێ ڤە بۆ سەرا دەروازەیان بدەت بۆ نەهێلانا وان کوسپ و ڕێگریێن هەین.
لێ وەکی یا دیار و ڕۆهن بووی، ئەوان ب چ ڕەنگان نەهێلا ئەڤ لژنە ب تەمامی کارێ خۆ ڕابیت و دەست ب پاکژکرنێ بکەت و وێ پلانێ جێبەجێبکەت، ب هەر حال وەکی مە ل دەستپێکێ ئاماژە دایە وان سکتەرێن ژیانێ ژ هەمی ڕویەکێ ڤە وەکو(ئاڤاکرن و سەخبێرکرنا چەندین قوتابخانە و ڤەکرنا زانینگەهان، ڕێ و پڕ و ئاڤەدانیێ و گرنگیدانا وان بۆ چاندنێ و ڕەوانەکرنا بەرهەمێ خۆمالی بۆ دەرڤە، دروستکرنا چەندین بەنداڤ و پڕۆژین ستراتیژی یێن ئاڤێ، دگەل ڕەخساندنا چەندین دەلیڤێن کاری و دامەزراندنێ، دیسان ژ ڕویێ کارگێری و نەخشێ دەڤەران گوهۆڕین کری وەک ناحی بوون و قەزابوونا چەند باژێر و باژێرکێن کوردستانێ…. هتد). ئەڤە و چەندین کار و پلانێن دیتر هاتینە کرنێ ل هەرێما کوردستانێ.
یا هەموویێ گرنگتر ژی گرنگی دانەکا زۆر دایە کەرتێ گەشتیاری و هژمارەکا زۆر یا گەشتیاران ل هەرێما کوردستانێ و ناڤەراستا عیراقێ و دەرڤەیێ وەلاتی ژی و دگەل وێ ئارامییا هەرێما کوردستانێ هەی، کو دبینن پتریا وەلاتان کۆنسڵخانەیێن خۆ ئینانە لێرە و ب ئارامی دژین و ب گرنگی ژی وەسفا دەڤەرێ دکەن.
لەوما ئەڤا ل سەرێ مە بەحسکری و دایە دیارکرن، بەشک بوویە ژ وان کار و پلانێن هاتینە دانان ژلایێ حکومەتا هەرێمێ ڤە بووینە مایەی دڵخۆشی و پێکڤە ژیانێ و ئەگەر پشتی دەنگدانێ ژی حکومەت پێکهات ب سەرپەرشتیا کادر و لایەنگرێن پارتی ڤە بێ دوو دڵی دێ کارێن باشتر هێنە ئەنجامدان، چونکی ڤێ حزبێ ڕێبەرەک و سەرۆکەک هەیە، تنێ ڤییانا وی بۆ گەل و وەلاتییە و نەزێدەتر و ئەندازیارەک گەنج و خودا سەر بۆر هەیە و ئەڤە بووینە مایەیی پێکڤە ژیانێ ل کوردستانێ.
کابنێن دیتر ژی وەک سەر پەرشتیا نێچیرڤان بارزانی خزمەت و کارێن باش هاتینە ئەنجامدان و بەردەوام ئەڤ کەسە ل ژێر فەرمانڕەوایێن سەرۆک بارزانی دا بن، د ێ هەردەم کار و پڕۆژەیێن هەژی بۆ کەس و دەڤەرێن هەژی کەن و بێ جوداهی، چونکی ئەو کوردستانێ ب ئێک پارجە دبین نەزێدەتر.