سەنتەر و هۆلـێـن لەش جوانیێ
زێ بادینان :بێوار اسماعیل نەقەبی
دنهادا ژمارەکا زۆرا گەنج و لاوان سەرەدانا سەنتەر و هۆلێن لەش جوانیـئ دکەن ، ب مەرەما پەیداکرنا لەش و لارەکێ جوان و رێک و پێک ، هەر وەکو دهێتە زانین مفایێن وەرزشێ زۆرن کەس نەشێت نکۆلیـێ ژڤـێ جەندێ بکەت،
کەسێن قەلەو و کێشا لەشێ وان زێدە ڤان سەنتەر و هۆلان ب دەرفەت دزانن دا کو کێشا خۆ دابەزین ب شێوەیەکــێ سروشتی
یاریزان شڤان لەشکری . ئێک ژوان یاریزانێت قەلەو بو کو دڤیا ب رێکەکا سروشتی کێشا خۆ دابەزینیت بۆ ڤێ مەرەمێ سەرەدانا ئێک ژ هۆلێن لەش جوانیێ دکەت ڤی یاریزانی شیا دماوێ هەیڤەکێ دا 10 کیلۆیان ژ کێشا خۆ دابەزینیت دبێژیت نها زێدەتر ژ جاران هەست ب ئارامیێ دکەم و پتر ئاسودەمە
سوود و مفایێن وەرزشێ گەلەک و جۆراو جۆرن ب کورتی دێ ئاماژێ ب هندەکان دەین
⊙ سیستەمێ بەرەڤانیا لەشی بهــێز دکەت جونکی خرۆکێن سپی یێن خوینێ هانددەت . هاتیە سەلماندن کو رێژەیا پەرسیڤێ و هەودانێن جۆراو جور کێمدکەت
⊙فشارا خوینێ رێکدئێخیت و رێژا شەکری و دووهنی دخوینێدا کۆنترۆل دکەت
⊙خەوێ خۆش دکەت ، وەرزش دبیتە ئەگەرێ زێدەبونا ئاستێ [میلاتونین] ئەوا خەوێ دئینیت لێ پێدڤیە نێزیکی دەمێ نڤستنێ وەرزشێ ئەنجام نەدەی.
⊙ ئاستــێ شــادی و بەختەوەریـێ زێدە دکەت ، لەوا باشترین جارەسەرە بۆ نەساخیێن خەمگینی
⊙هەستیک و گەهان ساخلەم رادگریت ، مرۆڤی ژ سەوەفانـێ و نەرم بونا هەستیکی دپارێزیت
⊙ بزاڤا روڤیکان چالاک دکەت و ژ قەبزیێ و غازات و قولۆنــێ مرۆڤی دویر دکەت
⊙ ئازارێن دۆم درێژ ناهێلیت ئەوێن وەرزشێ دکەن پتر خۆ لبەر ئێشانا دگرن ژ خەلکئ کێم بزاف
دکتۆر عەدنان ئاکرەیی د پەرتوکا خۆ دا ئەوا بناڤێ ب هزرێن ساخلەم بژی ، دبێژیت راستە پرۆتین یێ گرنگە بۆ بهێز کرنا ماسولکان بەلێ مرۆڤ رۆژانە پیدفی 2 گرامێن پرۆتینیە بۆ هەر کیلۆیەکێ ژ سەنگا وەرزشڤانی ، دبێژیت زێدە خارنا پرۆتینی زیانێن خۆ هەنە وەکی
ئاریشا هشک بونێ و وەستیانا گولجیسکا جونکی دێ دووجاری بارگرانیا زێدەتر کەت ژبۆ هاڤێتنا وێ پرۆتینا زێدە
هەروەسا مەترسیا قەلەویێ زێدەتر دکەت ژبەر کوو کالوریێن زێدە بخو ڤەدگریت
زێدەتر ددەتە دیارکرن و دبێژیت ئەنجامدانا ڕاهێنانێن وەرزشی گەلەک کاریگەرترە ژ خوارنا پرۆتینی ژبۆ ئاڤاکرنا ماسولکێن لەشی
Comments are closed, but trackbacks and pingbacks are open.