زێ بادینان ، ساخلەمی،
ژماره‌يه‌كا شاره‌زايێن ساخله‌ميێ دبينن كو هه‌بوونا به‌كتريا و ڤايرۆس و مشه‌خۆران د ريڤيكان دا ژ بۆ ساخله‌ميا مرۆڤى يا گرنگه.
سكاى نيوز عه‌ره‌بيه ژ لێكۆله‌ر ئێليزابێس كورۆين ڤه‌گوهاستيه؛ ميكرۆبيوم كو ژ كۆمه‌كا ميكرۆبان پێكدهێت و دناڤ ريڤيكێن مرۆڤى دا دژين، ب ئێك ژ ئه‌گه‌رێن ساخله‌ميا باش دهێته هژمارتن.
لێكۆله‌رێ ديار ژى كريه؛ ميكرۆبيوم كارتێكرنێ ل سه‌ر سيسته‌مێ به‌رگريا له‌شى دكه‌ت و هاريكاريا هه‌لمژينا ڤيتامينێن گرنگ د ريڤيكێن مرۆڤى دا دكه‌ت.
ئاشكرا ژى كريه؛ ئه‌گه‌ر زينده‌وه‌رێن بچويك و هويربين يێن ساخله‌م و ب مفا ژ ريڤيكان بده‌ركه‌ڤن چ زيان نينه، لێ ئه‌گه‌ر رێژه‌يا وان بوو گه‌له‌ك دێ خانه‌يێن به‌رگريێ چالاك بن كو ره‌نگه ببيته ئه‌گه‌رێ هه‌ودانێ.
ژ لايێ خۆڤه، شينا كروكشانك مامۆستايا به‌رگڕيا له‌شى ژ زانكۆيا مانچێسته‌ر ل ئنگلترا دياركر؛ ئه‌ڤ زينده‌وه‌رێن بچويك ب مفانه چونكى وان تشتێن دبنه ئه‌گه‌رێ نه‌خۆشيان ژناڤد‌به‌ن هه‌روه‌سا هاريكاريا هنده‌ك ده‌رمانان دكه‌ن كو ب ئاوايه‌كێ باشتر كار بكه‌ن.
ئاماژه دا وێ چه‌ندێ ژى؛ چاڤدێريا ميكرۆبيومى د گه‌له‌ك حاله‌تان دا هاريكاريا مرۆڤى دكه‌ت وه‌كى نه‌خۆشيێن هه‌ستياريێ، ره‌بۆ و نه‌خۆشيێن به‌رگڕيا له‌شى.
زێ بادینان ، بلند بهجت،
Comments are closed, but trackbacks and pingbacks are open.