مه‌سرور بارزانى سه‌رۆكێ حكومه‌تا هه‌رێما كوردستانێ راگه‌هاند، وه‌رزشێ ژ بلی مفایێن ساخله‌مییێ، رۆله‌كێ گرنگ ژبۆ دانه‌نیاسین و لێكگوهارتێن كه‌لتوری دناڤبه‌را گه‌لێن جیهانێ دا هه‌یه.
نڤێسینگه‌ها سه‌رۆكێ حكومه‌تا هه‌رێما كوردستانی راگه‌هاند، ئه‌ڤرۆ مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل هه‌لبژارتییێ فوتسالا ئافره‌تێن عیراقێ كر كو زۆربه‌یا وان یاریزانان خه‌لكێ هه‌رێما كوردستانێنه.
ئه‌و ژی گۆتییه: سه‌رۆكێ حكومه‌تێ پیرۆزباهى و ده‌ستخۆشى ل تیما ناڤبری كر ب هه‌لكه‌فتا ب ده‌ستڤه‌ئینانا پلا ئێكی ژ سێ قاره‌مانیێن رۆژئاڤایێ ئاسیا بۆ فوتسالا ئافره‌تان كو ل ڤێ دووماهیێ ل عه‌ره‌بستانا سعودییه هاتبوو كرن.
ژ سه‌رجه‌مێ 14 یاریزانێن هه‌لبژارتییێ عیراقێ 9 یاریزان كورد بوون و وان رۆله‌كێ مه‌زن هه‌بوو بۆ برنا ناسناڤێ قاره‌مانییا رۆژئاڤایێ ئاسیا.
Comments are closed, but trackbacks and pingbacks are open.