سه‌رۆكێ حكومه‌تا هه‌رێما كوردستانێ ب هه‌لكه‌ڤتا سالیادا دامه‌زراندنا ئێكه‌تییا مامۆستایێن كوردستانێ په‌یامه‌ك به‌لاڤكر
ئه‌ڤه ده‌قێ وێیه:
ب هه‌لكه‌ڤتا بیره‌وه‌رییا شێست سالییا دامه‌زراندنا ئێكه‌تییا مامۆستایێن كوردستانێ، گه‌رمترین پیرۆزباهییان ئاراسته‌ى سه‌رۆك و ئه‌ندامێن مه‌كته‌ب و سكرتاریه‌ت و گشت مامۆستایێن كوردستانێ دكه‌م و هیڤییا سه‌ركه‌ڤتنێ بۆ دخوازم.
مامۆستایێن كوردستانێ ل سه‌رده‌م و قۆناغێن جوداجودا یێن خه‌باتا گه‌لێ كوردستانێ تا ئه‌ڤرۆ، رۆله‌كێ دیار و پێشه‌نگ ژ به‌رەڤانیکرنا مافێن ڕه‌وا یێن خه‌لكێ كوردستانێ و پێگه‌هاندنا نڤشێ نوى و هشیاركرنا جڤاکی دا هه‌بوویه، لەورا ب رێزڤه یادا خه‌بات و تێكۆشان و رۆلێ گشت مامۆستایێن كوردستانێ د گه‌هاندنا په‌یاما پیرۆز یا په‌روه‌رده و فێركرنێدا دكه‌ین.
مامۆستا دشێن ب رێیا په‌روه‌رده‌یه‌كا درۆست و پێشكه‌ڤتى، جڤاکەکێ ساخلەم دروست بكه‌ن، جڤاکەك كۆ مرۆڤێ نشتیمان په‌روه‌ر و داهێنه‌ر درۆست بكه‌ت و پشكه‌ك بیت ژ پرۆسا پێشخستن و گه‌شه‌پێدانا كوردستانێ.
سوپاسییا مامۆستایێن كوردستانێ دكه‌م كو سه‌ره‌راى ره‌وشێن سه‌خت و دژوار هه‌موو بزاڤكرن ژبۆ وێ یه‌كێ پرۆسا خواندنێ یا به‌رده‌وام بیت.
هیڤیدارم حكومه‌تا هه‌رێما كوردستانێ ب هه‌ڤكارییا هه‌موو لایان بشێت خزمه‌ته‌كا زێده‌تر و ژ ھەژیتر یا مامۆستایێن كوردستانێ بكه‌ت.
مه‌سروور بارزانى
سه‌رۆكێ حكومه‌تا هه‌رێما كوردستانێ
Comments are closed, but trackbacks and pingbacks are open.