مه‌سرور بارزانی: نابیت داخوازا ئێكرێزیێ بكه‌ین و ئاراسته د جودا بن
مه‌سروور بارزانی، سه‌رۆكێ حكومه‌تا هه‌رێما كوردستانێ ئه‌ڤرۆ گوتاره‌ك د كۆنفرانسێ ئێكرێزییا ده‌ستووری دا پێشكێشكر و گۆت: نابیت داخوازا ئێكرێزیێ بكه‌ین و به‌ره‌ف دو ئاراستێن جودا بچن و نابیت هه‌موو ئالی د پاپۆره‌كێ دا بن و ئاراسته‌یا وان ئێك نه‌بیت.
مه‌سرور بارزانی دیار ژی كر، پێدڤییه هنده‌ك سنوور بهێنه دانان و د ده‌ستووری دا بهێته دیاركرن، چنه ئه‌و دشتێ، كو نابیت چ ئالییه‌ك بكه‌ت و چ دشتن ئه‌و یێ، كو پێدڤییه هه‌موو ئالی پێكڤه كار بۆ بكه‌ن، نابیت ئالییه‌ك داخوازا سه‌ربه‌خۆیێ بكه‌ت و ئێك هنده‌ك داخوازیێن دی بكه‌ت به‌لكو پێكڤه داخوازا ئارمانجێن خوه بكه‌ن.
سه‌رۆكێ حكومه‌تێ گۆت ژی: ده‌ستوور بۆ دو دشتان گرنگه كو ئه‌و كه‌سێن نونه‌راتییا خه‌لكی دكه‌ن، پێدڤییه نوونه‌راتییا بیروبۆچوونێن پترییا خه‌لكێ كوردستانێ بكه‌ن، یا دوێ ژی ئه‌و هێزا ده‌ستهه‌لاتێ برێڤه‌دبه‌ت پێدڤییه به‌رپرس بیت به‌رامبه‌ر خه‌لكێ خوه.
Comments are closed, but trackbacks and pingbacks are open.