رێبه‌رێ ره‌وتا سه‌در راگه‌هاند، رۆژا نیشتیمانییا راسته‌قینه یا عیراقێ ئه‌و رۆژه‌یه كو وه‌لات ژ گه‌نده‌لى و گه‌نده‌لكاران رزگارببیت، ئه‌و رۆژه‌یه چاكسازییا راسته‌قینه تێدا بهێته‌كرن.
ئه‌ڤرۆ سێى چریا ئێكێ یا سالا 2022ێ رێبه‌رێ ره‌وتا سه‌در، موقته‌دا سه‌درى د رۆژا نیشتیمانییا عیراقێدا تویته‌ك به‌لاڤكر و گوت : ئه‌ڤرۆ رۆژا نیشتیمانییا عیراقێیه، بژیت عیراقه‌كا ئازاد و سه‌ربلند و سه‌ربه‌خۆ و ب هێز، لێ رۆژا نیشتیمانییا راسته‌قینه یا عیراقێ ئه‌و رۆژه‌یه كو وه‌لات ژ گه‌نده‌لى و گه‌نده‌لكاران رزگار ببیت.
موقته‌دا سه‌درى به‌حس ل
چاكسازییێ كر و گوت : رۆژا راسته‌قینه یا عیراقێ رۆژا چاكسازییا راسته‌قینه‌یه بێى كو پشك پشك و گرۆپێن چه‌كدار و گه‌نده‌لى و ده‌ست تێوه‌ردانێن ده‌رڤه تێدا بن.
هه‌روه‌سا دیاركر، دڤێت عیراق ده‌وله‌ته‌كا پیرۆز بیت، نه رۆژهه‌لاتى و نه رۆژئاڤایى بیت.
ئه‌ڤرۆ رۆژا نیشتیماناییا عیراقێ یه، ژبه‌ركو درۆژه‌كا وه‌كو ئه‌ڤرۆدا ل سالا 1932ێ جڤاتا گشتى یا جڤاتا گه‌لان ل جنێفێ ئه‌ندامه‌تییا عیراقێ د جڤاتێدا په‌سه‌ندكر.
Comments are closed, but trackbacks and pingbacks are open.