بۆ گەنگەشەكرنا ئەنجامێن هەلبژاردنان و پێكئینانا كابینا نوویا حكومەتا عیراقێ، بڕیارە ل دەمەكێ نێزیك موقتەدا سەدر، رێبەرێ رەوتێ سەدر و سەركردێن چوارچووڤێ هەڤكارییا شیعی كۆمبوونەكێ ئەنجام بدەن.
فازل فەتلاوی، ئێكە ژ سەركردێن هەڤپەیمانییا فەتح ئەوا هادی ئەلعامری سەرۆكاتییا وێ دكەت ڕاگەهاند، ل دەمەكێ نێزیك سەرجەم سەركردێن چوارچووڤێ هەڤكارییا شیعی دێ سەرەدانا مالا موقتەدا سەدر، رێبەرێ رەوتێ سەدر كەن ل پارێزگەها نەجەف، و ناڤبری پێشبینی كر د وێ كۆمبوونێدا ناكۆكی دناڤبەرا هەردوولادا بهێنە چارەسەركرن و بگەهنە ڕێككەفتنەكێ بۆ پێكئینانا كابینا نوویا حكومەتا عیراقێ.
فازل فەتلاوی گوت: چوارچووڤێ هەڤكارییا شیعی لیژنەك بۆ دانوستاندنان دگەل كورد و لایەنێن سوننی ژی پێكئینایە و پشتی پەسەندكرنا ئەنجامێن هەلبژاردنان ژلایێ دادگەها فیدرالی ڤە دێ پێنگاڤێن جددی هێنە هاڤێتن بۆ پێكئینانا حكومەتا نووی.
Comments are closed, but trackbacks and pingbacks are open.