ئەڤە چەند روودان و کارەساتن ئەز تێبینی دکەم، میدیا وەکۆ پێدڤی نەشیایە ڕۆڵ و ئەرکێ خۆ بجھ بینیت، میدیا بەس ئەو نییە تە زانیارییەک گۆھ لێ بوو یان ھەواڵەک ئێکسەر بێ پێداچوون، و وردبینی و ھشیاری بەلاڤبکەی، و چاڤێ تە ل ھندێ بیت کۆ ڕەوش پتڕ تێک بچیت دا تۆ ژی خۆ تێک بدەیی و ڤێجا دەست ب ئاخفتنێت بێ لۆژیک بکەی، بۆ لایک و کۆمێنتا!
ئەرکە ل سەر میدیا کاری بزانیت گەلەک ب ھشیاری و ب ئەخلاقی سەرەدەریێ دگەل پێشھاتوو و ھەر زانیارییەکێ بکەت ب شێوەکێ پیشەیانە، ب ڤی شێوازی ( سەرەدەریکرن بەری روودانا، دگەل روودانا، پشتی روودانان)، بۆ نموونە:
شڤێدی کەشناسییا ھەرێمێ ھۆشداری دا کۆ ئەگەرێ لافاو ھەیە، ئەرێ چەند کەناڵا شیا ڕۆڵێ خۆ دڤێ یەکێ دا ببینیت!
و ئەڤڕۆ لافاو دروست بوو، ئەرێ چەند کەنالا ڕۆڵێ خۆ دیت کۆ ببنە ڕزگارکارێن خەڵکی و لڤاندنا ڕایا گشتی و جھێن پەیوەندیدار، و سۆبەھی دێ ڕۆڵێ وان چ بیت، و سەرەدەریکرنا وانا دگەل زیانفێکەفتییان، میدیاکار دشێت گەلەک روویدانا ڕاستینیت، یان کێم بکەت ب پیشەیا خۆیا دروست، ب فشارەکا ساخلەم لسەر خەڵکی و دەستھەڵاتێ ژی، نابیت میدیایێ چاڤ ل ھندێ بیت روودان دروست بن دا ب ھەواڵ بکەفن! بۆچی نابنە ڕێنیشاندەر دێ بۆ بن تێکدەر!
ھەمی کەس دشێن زانیارییان بدەن بەس ھەمی کەس نەشێن یا بەری زانیاریێ و پشتی زانیاریێ ھاوسەنگ بکەن، دگەل ھەر زانیاری و داتا و پێشھاتەکێ ئەم پێدڤی ب کەسێن بسپۆڕین لەو پێدڤییە میدیا وان بینتە سەر شاشێ و شاشیان ڕاستڤەکەن و ھۆشداری و دروستی و خۆ پارێزیێ بەلاڤکەن، لسەر بابەتێن ڕۆژێ، و میدیا وەسا ڕۆڵێ خۆ بگێریت کۆ ئێکسەر خەڵک ژێ باوەربکەت و وەرگریت وەک مفا نەوەک سەردابرن…
عادل ئۆرەماری
Comments are closed, but trackbacks and pingbacks are open.