مه‌سرور بارزانى: حكومه‌تا عیراقێ وه‌ك پارێزگه‌هــ سه‌ره‌ده‌ریێ دگه‌ل هه‌له‌بجه دا ناكه‌ت
مه‌سرور بارزانى سه‌روكێ حكومه‌تا هه‌رێما كوردستانێ د 34 سالیادا تاوانا كیمیابارانكرانا هه‌له‌بجه په‌یامه‌ك به‌لاڤكر و راگه‌هاند: تانۆكه حكومه‌تا عیراقێ وه‌كو پارێزگه‌هــ سه‌ره‌ده‌ریێ دگه‌ل هه‌له‌بجه دا ناكه‌ت.
مه‌سرور بارزانى گۆت: پێدڤیه حكومه‌تا عیراقێ ئه‌رك و به‌رپرسیاریه‌تیا خوه یا ئه‌خلاقى بۆ قه‌ره‌بوكرنا كه‌س و كارێن قوربانى و بریندار و هه‌مى زیان ڤێكه‌فتیێن كیمیا بارانكرنا هه‌له‌بجه و هه‌مى قوربانیێن جینوسایدێن گه‌لێ كورد ب ستویێ خوه‌ڤه بگریت.
سه‌روكێ حكومه‌تا هه‌رێما كوردستانێ دیاركر: ئه‌ڤه چه‌ند ساله هه‌له‌بجه ژ لایێ حكومه‌تا هه‌رێما كوردستانێ ڤه بویه پارێزگه‌هــ به‌لێ ب مخابنیڤه تانوكه حكومه‌تا عیراقێ وه‌كو پارێزگه‌هــ سه‌ره‌ده‌ریێ دگه‌ل ناكه‌ت و ئاسته‌نگان ژ بۆ رێكارێن ب پارێزگه‌هــ بونا هه‌لبجه دروست دكه‌ت.
Comments are closed, but trackbacks and pingbacks are open.