سەرۆکێ حکومەتا هەرێما کوردستانێ مەسرور بارزانی پەیامەک سەبارەت هێرشێن شڤێدی یێن تیرۆرستێن داعش بەلاڤکر
مەسرور بارزانی د پەیاما خوە دا راگەهاند؛ ب مخابنیڤە شڤێدی تیرۆرستێن داعش هێرشی گوندێ خدر جئجەی ل ناحیا قەرەچوخ کر و د ئەنجامدا چەند پێشمەرگەیێن قارەمان شەهیدبوون.
سەرۆکێ حکومەتا هەرێما کوردستانێ دیار ژی کر؛ داعش بوویە مەترسییەکا جددی لسەر خەلکێ هەرێما کوردستانێ یێن ل دەڤەرێن کوردستانی یێن دەرڤەیی ئیدارا هەرێمێ دژین، پێدڤییە ب زووترین دەم هەماهەنگی دناڤبەرا هێزێن پێشمەرگەی و سۆپایێ ئیراقێ و هەڤپەیمانییا ناڤدەولەتی بهێتە بهێزکرن بۆ دووماهیک ئینان ب گەشە و و رێکخستن و هێرشێن درندەیی یێن تیرۆرستێن داعش، و ژیانا خەلکێ دەڤەرێ و پێشمەرگەیی پاراستی بیت.
مەسرور بارزانی، سەرۆکێ حکومەتا هەرێما کوردستانێ پرسە و سەرەخوشیێن خوە گەهاندنە مالباتێن قوربانیێن هێرشا شڤێدی و هیڤیێن چاکبوونێ بۆ برینداران خواست.
Comments are closed, but trackbacks and pingbacks are open.