زێ بادینان
ھێشتا پۆستێ سەرۆک کۆمارێ ئیراقێ دناڤبەرا لایەنێن کوردی نەھاتیە ئێکلاکرن و بەربژێرەکێ سەرکەفتی بۆ پەرلەمانێ ئیراقێ ھۆشداریێ ددەت ل دۆر بەربژێرێ سەرۆک کۆماری و دبێژیت، بەرھەم سالح بەربژێرەکێ کورد بوو ژلایێ لایەنێن شیعی ڤە ھاتیە هه‌لبژارتن.
سیپان شێروانی، بەربژێرێ سەرکەفتی بۆ پەرلەمانێ ئیراقێ بۆ ئاژانسا خانی گۆت” ئەو میکانزما بەری نوکە سەرۆک کۆمارێ ئیراقێ لسەر ھاتیە ھەلبژارتن مەترسیدارە و پێدڤیە رێگری بھێتەکرن دوبارە نەبیت و نەبیتە کلتوور، ژبەرکو پۆستێ سەرۆک کۆمارێ ئیراقێ پشکا کوردانە و مەرج نینە بۆ کیش لایەنێ سیاسی بیت.
سیپان شێروان ئاماژەکر” دڤێت کورد دناڤبەرا خۆ بگەھنە رێکەفتنێ و بەربژێرێ پۆستێ سەرۆک کۆماری دیار بکەن، نەک لایەنێن شیعی ل پەرلەمانی ئێکلا بکەن، گورەی میکانزما خۆلا بۆریا پەرلەمانێ ئیراقێ بیت کوردان پۆستێ سەرۆک کۆماری وەرنەگرتیە، بەلکو لایەنێن شیعی کوردەک بۆ پۆستێ سەرۆک کۆماری بەربژێر کریە و ئەز نابینم بەرھەم سالح سەرۆک کۆمارێ کوردان بیت، چونکە ژلایێ لایەنێن کوردی نەھاتبوو بەربژێرکرن.
Comments are closed, but trackbacks and pingbacks are open.