زێ بادینان ، دیدار :
پشتی ڤان کاودانێن داویی ب سەر ھەرێما کوردستانێ دا ھاتی کار و پرۆژە تا رادەیەک ھاتنە ڕاگرتن لێ پشتەڤانی و ھەول و بزاڤێن بەردەوام یا حکومەتا ھەرێمێ کۆ نەھێلانە دەڤەرێن جودا جودا یێن باژێرکێن کوردستانێ بێ بەھر بن ژ کۆژمەکا پرۆژان ھاتنە ئەنجامدان ، مالپەرێ گوڤارا ” زێ بادینان” دیدارەک ساز کر دگەل رێڤەبەرا ناحیا بامەرنێ .
زێ بادینان، چ پرۆژەک د نوکە دا بەردەستن وە ؟
میران عبدالرحمن رێڤەبەرا ناحیا بامەرنێ ل گورەی کار و پرۆژێن دەڤەرێ داخویا کرن کۆ د نوکە دا پروژێن بەردەست دقوناغا جێبەجێکرنێ دا ب کۆژمێ ( ٤٤٦ ) ملیۆن دیناران چێکرن و کار لسەر ھێتە کارن .
زێ بادینان، ل گورێ رێین دەڤەرێ چ کارەک ھەیە کۆ بەردەست بیت ؟
دیسان دەربارێ رێین دەڤەرێ ژی ” میران ” ێ گوت سەخبیرکرنا رێکێن ناڤخو ھەر ئێک ژ گوندێن ( زێوە – بابیرێ – غلبیش – گولێ – ئەرزێ – و چێکرنا رێکا سەرەکیا گوندێ ئەرەدنا موسلمانا ) ئەوێن دکەڤنە بسەر سنورێ ناحیا بامەرنێ د نوکە دا کار و بوھاتیەکرن و بەردەوامین دگەل وان جھێن کۆ گلەی و داخازیەک لسەر ھەبیت لژنێن مە سەردانێ دکەت بۆ کار لسەر بێتە کرن .
زێ بادینان، دەربارێ ئاڤێ ل دەڤەرێ چ پێنگاڤەک ھاتیە ھاڤێتن؟
رێڤەبەرا ناحیا بەمەرنێ ” میران “ ئەو یەکە ژی دیار کر کۆ کار ل سەر برکەکا پیادە ل گوندێ کانیکا بداوی ھاتیە و کەفتیە د خزمەتکرنێ دا و دیسان ژی کۆ خوشکرنا تورا ئاڤێ یا چەند گوندا لسنورێ ناحیا بامەرنێ بدوماھیک ھاتیە و کار لسەر ھند کارێن دیتر یێن ئاڤێ دھێتە کرن .
زێ بادینان ، ئەگەر پرسا کارەبێ ل دەڤەرێ بێخینە دیدارا خۆ دا چ کارەک بۆ ھاتیە کرن ؟
ھەروەسا گوھورەکێ ٢٥٠ kv بو گوندێ کانیا تا دگەل گەھاندنا کارەبی بو مالێن نوی ھاتە ئاڤاکرن و زێدەتر میرانێ ئاماژە دایە دیدارا خۆ ل گوندێ شێخ مەما گەھاندنا کارەبێ بۆ مالێن نوێ ھاتیە ئاڤاکرن ، و دوماھیێ ژی رێڤەبەرا ناحیایێ گوت، گوندێ تەحلاڤا و ھەرھوسا سەخبێر کرنا ھێلا کارەبا بامەرنێ ل گوندێ ئەرەدنا ھاتیە کرن و زێدەتر ژی کار بۆ پرۆژان ل دەڤەرێ دھێتە کرن .
Comments are closed, but trackbacks and pingbacks are open.