زانیاریێن ھەوالگێری ئاماژە ب بەرھەڤیێن داعش دكه‌ن و بەرپرسەکێ ئەمنی ژی ئاشکراکر، داعش ھژمارەکا چەکدارێن خوه ل سووریێ ڤەگوھاستینە بۆ ناڤا ئیراقێ.
ناسر ھەرکی، بڕیاردەرێ لیژنا ئاسایشێ ل خۆلا بۆریا پەرلەمانێ ئیراقێ بۆ ئاژانسا خانی دیارکر” ئەگەرێن سەرھەلدانا داعش و بھێزبوونا گروپا تیرۆرستیا داعش زۆرن ل ئیراقێ، بەلێ ڤێ دوماھیێ ل چەندین دەڤەران ڤالاھیا ئەمنی ھەبوویە و داعش شیایە مفای ژ ڤالاھیا ئەمنی وەر بگریت بۆ ڤێ چەندێ مەشق و راھێنانێ ب چەکدارێن خوه بکەت و ھێرشی سەر ھێزێن پێشمەرگەی بکەت.
ناسر ھەرکی ئاماژەکر” سنورێ ناڤبەرا ئیراق و سووریا ھاتیە ڤالاکرن و ھژمارەکا زۆرا چەکدارێن داعشێ ل ناڤا خاکا سووریا گەھشتینە ئیراقێ و کار بۆ تێکدانا رەوشێ دکەن، لەوڕا دھێتە پێشبینی کرن ھێرش و کریارێن تیرۆرستی بھێنە ئەنجامدان، چونکە بەرھەڤیێن داعش و زۆربوونا چەکدارێن وان ئاماژەنە بۆ مەترسیێن مەزنتر، ھەرچەندە داعش نەشێت وەک بەرێ چو دەڤەران داگیربکەت، بەلێ شیانێن کریارێن تیرۆرستی ھەر ماینە.
Comments are closed, but trackbacks and pingbacks are open.