نەوزاد محەمەد
جیهان یا د سەدێ ٢١ دا دەرباز دبیت، سەردەمێ لەزاتیێ و عەولەمێ و شارستانیەت و بنەمایێن دیموکراسیێ و ئازادیا گەلان ومافێن مروڤی.
ل وڵاتێن جیهانێ بنەمایێن دستوری و یاسایی هاتینە دارشتن ل بن روشناهیا چەند خالان وەکو شەرع و بنەمایێن مەدەنی و ئەو خالێن دگەل کەلتورێ جڤاکی و نەتەوەیی بگونجن، لدویف را کەفتیە بەر دەنگدانێ و ب زورینەیا دەنگێن هاوولاتیان دستور ب فەرمی بویە.
ل هن وڵاتان بتنێ بنەمایێن مەدەنی بوینە بناغە بو دارشتنا دستوری، ل هن وڵاتان ژی شەرع و بنەمایێن مەدەنی ب هەڤرا بوینە بناغە، ل هن وڵاتان ژی بتنێ بنەمایێن شەریعەتێ ئیسلامێ بوینە بناغە، ئان کو شەرع بنتێ نەبویە تاکە رێک د دارشتنا دستور و یاسایێن وەڵاتان دا.
لدویف ئایدیا و قوناغا سیاسی و نەتەوەیی و ئاستێ هوشیاریا جڤاکی، جیاوازی د ناڤبەرا سیستەمێن حوکمرانیێ دا ل زڵاتەک بو وڵاتەکی یا روون و ئاشکرایە،
ل کومارا عیراقا فیدرال و فرە نەتەوەیی، تازە ب تازە کەسانەک هاتینە و دڤێن ب ناڤێ ئاین و ناڤێ پێغەمبەری ( س.خ ) ببنە سەروک کومارێ عیراقێ !.
رەنگە ئەڤ شێوازە بو عیراقەکا تائیفی و مەزهەبی و حوکمێ میلیشیاتا یا گونجای بیت.
لێ ل ئالیەکێ دیتر، ل ڤێ عیراقا فیدڕال دا، هەرێمەک هەیە بناڤێ هەرێما کوردستانێ، ئەو هەرێما پشتی ئەزمونەکێ ٣٠ ساڵی ل چەسپاندنا بنەمایێن دیموکراسی و ئازادیا و برایەتی و تەبایی و پێکڤە ژیان و شارستانیەت و پێشکەفتن د تەمامی وارێن ژیانێ دا، کەسەکی لێ پەیدا ببیت و ئەڤان بنەمایان هەمیا بێخیتە بن پیێ خوەو داخازا پشتەڤانیێ ل هەرێما کوردستانێ بکەت کو بناڤێ ئاین و ناڤێ پێغەمبەرێ ( س.خ ) ببیتە بەربژێر بو پوستێ سەروک کومارێ عیراقێ.
نزانم ب چ بیڤەر و عەقل و مەنتق و د ڤێ قوناغا سەردەمی دا ئەو بناڤێ پێغەمبەری ( س.خ ) هاتینە د گورەپانا سیاسەتێ دا و دڤێت پوستێ سەروک کوماری وەربگرن !؟.
ڕاستە تا نها پوستێ سەروک کومار ب تەوافقا لایەنێن عیراقی بویە و بو چەند خولان ژی کوردان ئەو پوست وەرگرتیە و ڕەنگە ل ڤێ خولێ ژی هەر بو کوردان بیت، لێ تا نها کەسەک نەهاتیە و ل ژێر ناڤێ پێغەمبەری ( س.خ ) و ل سەر حسابا کوردان داخازا ڤی پوستەی کربیت.
بەلکو تەڤایا سەروک کوماران سویندا یاسایی خواریە کو پابەند بن ب دستورێ عیراقا فیدڕال و پارێزەرێن دستوری و بنەمایێن دستوری و پێکڤە ژیانی بن.
شاشیەکا مەزنە ئەگەر کەسانەک بڤی رنگی هزر بکەن، شاشیەکا مەزنترە ئەگەر ژ ئالیێ هەرێما کوردستانێ ڤە پشتەڤانی ل بوپونەکا هوسا بێتە کرن.
بێ گومان ل وی دەمی هەرێما کوردستانێ ل سەر ئاستێ نێف دەولەتی ب گشتی دێ کەڤیتە بەر کومەکا پرسیاران و رەنگە پێداچونەڤە ل هەلوێستان دا ژی بێتە کرن.
- نڤیسەرێ هێژا د کاری ئەو ناڤێ تە لخارێ هاتی هەموو بابەتێن خۆ ببینی
Comments are closed, but trackbacks and pingbacks are open.