ده‌قێ روونكرنا نڤیسینگه‌ها سه‌رۆكێ حكومه‌تێ ده‌رباره‌ى وه‌رگرتنا باجێ:
ئێك ژ ئارمانجێن كابینه‌یا نه‌هێ یا حكومه‌تا هه‌رێما كوردستانێ د چارچووڤێ كارناما وێ دا رێكخستنا باجێ یه.
حكومه‌ت وه‌ك ده‌ستهه‌لاتا جێبه‌جێكرنێ نه‌شێت باجێ زێده بكه‌ت، به‌لكۆ ئه‌ركێ ده‌ستهه‌لاتێ بتنێ بجهـئینانا یاسایایه و ئارمانجا وان رێكارێن حكومه‌تێ بۆ وه‌رگرتنا باجێ گرتینه به‌ر بتنێ بۆ رێكخستن و رێگرتنێ بوو ل به‌رامبه‌ر خوه دزینێ ژ باجێ. هه‌ر د ڤى چارچووڤه‌ى دا، باجا كۆمپانییێن مه‌زن هاتییه رێكخستن و ئه‌ڤێ چه‌ندێ ژى كارتێكرن ل سه‌ر زێده‌كرنا داهاتى هه‌بوویه و ئه‌و داهاته ژى دێ بۆ خزمه‌تا وه‌لاتییان بیت.
د ڤى ده‌مى دا گازنده ژ زێده‌بوونا رێژا باجا پیشه‌وه‌ر و خودان دۆكان و پیشه‌یێن بچویك هه‌بوویه، له‌وما سه‌رۆكێ حكومه‌تێ دوڤچوون بۆ ڤى بابه‌تى كرییه و پشتى چه‌ند كۆمبوونان فه‌رمان ب لایه‌نێن په‌یوه‌ندیدار هاته‌كرن كۆ دیاركرنا باجه‌كا مه‌زن بۆ خودان پیشه‌یێن بچویك بهێته راگرتن و دگه‌ل وه‌رگرتنا باجێ ره‌وشا ئابوورى و ژیانا پیشه‌وه‌ران لبه‌رچاڤ بهێته وه‌رگرتن و نابیت باج ببیته ئه‌گه‌رێ لاوازكرنا لڤینا بازارى.
حكومه‌تا هه‌رێما ب رێیا بسپۆرێن بواری باجێ مژویلى رێكخستنا رێكارێن وه‌رگرتنا باجێ نه ب ره‌نگه‌كى كۆ دیاركرنا رێژه و كۆمكرنا باجێ ب شێوه‌یه‌كێ دادپه‌روه‌رانه و شه‌فاف بیت. هه‌تا ئاماده‌بوونا وى سیسته‌مى ژى نابیت بارگرانییا دارایى بۆپیشه‌وه‌ران درۆست ببیت.
Comments are closed, but trackbacks and pingbacks are open.