بەشەک ژ خۆدان هۆلێن شەهیانان ل پارێزگەها دهۆکێ خرڤەبونەکا نەرازیبونێ ئەنجامدا و داخازکر هۆلێن وان بهێن ڤەکرن و دبێژن ئەڤ بڕیارە د جهێ خۆدا نیە.
نوینەرێ خۆدانێن هولێن شەهیانان ڕاگەهاند، ژبەر گرتنا هۆلێن وان زیانەک زێدە یا ماددی بەر ب وان کەتینە و نێزیکی پێنج هزار کارمەندان ژی بێکار ماینە دبێژیت ژی، هەر بڕیارەکا دەربکەڤیت دهۆک دبیتە قوربانی.
بەحسا وێیەکێ ژی کر، کو دڤێت ئەم بهێینە قەرەبۆکرن و دبێژیت”ل دونیایێ هەمیێ نینە نە تو نانی بدەیە من نە تو بهێلی ئەزنانی خۆ بخۆم”.
ئاماژە ب وێیەکێ ژی کر، کو وان داخاز ژ ئالیێن پەیوەندیدار کریه ل دویف رێنمایان هۆلێن وان بهێنە ڤەکرن.
ل گورەی گوتنا خۆدانێن هۆلێن شەهیانان، چەند کەسێن خودان دەستهەلات باخچە و جھێن گەشتیاری ب کرێ ددەن و هۆلێن وانژی هاتینە گرتن.
ب هێجەتا بەلاڤ بوونا ڤایرۆسێ کۆرۆنایێ ١٨٥ هۆلێن شەهیانان ل سنورێ پارێزگەها دهۆکێ هاتینە دائێخستن، و نێزی پێنج هزار کارمەندان ژی بێ کار ماینە.
Comments are closed, but trackbacks and pingbacks are open.