نێزیکی 15 هەزار ئەمریکی ل ئەفغانستانێ ئاسێ مانە

زێ بادینان ، جیهانی .

وەزارەتا بەرەڤانیێ یا ئامەریکا پەنتاگۆن راگهاند، تێ تەخمین کرن کو د ناڤبەرا 5 تا 10 هەزار ئامەریکی ل کابولێ ئاسێ مابن.

بەردەڤکێ وەزارەتا بەرەڤانیێ یا ئامەریکا پەنتاگۆن جۆن کێربی ژ تەلەڤیزیۆنا CNN رە راگهاند، «ب هەزاران ئامەریکی ل کابولێ مانە، هەژمارەک مە یا راست تونە، لێ ئەم تەخمین دکن کو هەژمارا وان د ناڤبەرا 5 تا 10 هەزار ئامەریکی بە.

کێربی دا زانین، وەزارەتا دەرڤە یا ئامەریکا د پەیامەکێ دە شیرەت ل ئامەریکییان کر کا چاوا سرا خوە بگرن و خوە بگهینن فرۆکخانەیێ.

ژ ئالیەکی دن ڤە رۆژنامەیا «واشنگتۆن پۆست» بەلاڤ کر، د ناڤبەرا 10 تا 15 هەزار ئامەریکی ل ئەفغانستانێ ئاسێ مانە.

شێورمەندێ ئاساییشا نەتەوی یا ئامەریکی جاك سوڵڤان ل کۆشکا سپی ژی ژ رۆژنامەڤانان رە تەکەز کر، تالیبانێ سۆز دانە وان کو ریەکە ئەولە ژ بۆ ڤەگوهاستنا سڤیلان بۆ فرۆکخانەیێ دابین بکه‌ن.

ئەڤ د دەمەکێ دەیە، بەرپرسێن د کۆشکا سپی یا ئامەریکا دە راگهاندبوون، هەتا نها دۆرا 1100 ئامەریکی ژ ئەفغانستانێ هاتنە دەرخستن.