نێچيرڤان بارزانى و كونسۆلێ گشتيێ ئه‌مریكا گرنگییا ئێكرێزیێ دناڤبه‌را ئالییێن سیاسییێن هه‌رێما كوردستانێ گۆتۆبێژكر
نێچيرڤان بارزانى، سه‌رۆكێ هه‌رێما كوردستانێ ئه‌ڤرۆ پێشوازى ل ئيرڤن هيكس جوونيه‌ر، كونسۆلێ گشتيێ نویێ ئه‌مریكا ل هه‌رێما كوردستانێ كر و پیرۆزباهى د كارێ وى یێ نویدا لێ كر و هیڤیا سه‌ركه‌فتنێ بۆ خوازت.
نێچيرڤان بارزانى و ئيرڤن هيكس، دوماهیك پێشهاتێن عیراقێ، ئاریشه‌یێن به‌رده‌م پرۆسا سیاسى، ره‌وشا ناڤخۆ یا هه‌رێما كوردستانێ، گرنگییا ئێكرێزیێ دناڤبه‌را ئالییێن سیاسى یێن هه‌رێما كوردستانێ، شه‌رێ دژى تیرۆرێ و مه‌ترسیێن داعش، گرنگیا پێشڤه‌برن ب دیموكراسى، پاراستنا مافێن مرۆڤ و ئازادیێ، ئازادیا راده‌ربرینێ ل هه‌رێمێ، ره‌وشا ده‌ڤه‌رێ ب گشتى و چه‌ندین پرسێن دى یێن گرنگ گۆتۆبێژكرن.
هه‌روه‌سا سه‌رۆكێ هه‌رێما كوردستانێ دووپات ل چاره‌سه‌ركرنا ره‌وشا عیراق ب دانوستاندن و لێكگه‌هشتن لسه‌ر بنه‌مایێ ده‌ستوورى كر، هه‌روه‌سا دووپات ل ده‌رفه‌تا هاريكاريیا ئه‌مریكا دگه‌ل عیراق و هه‌رێما كوردستانێ تايبه‌ت د بوارێ وه‌به‌رهێنان و كه‌رتێ تايبه‌تدا كر.
Comments are closed, but trackbacks and pingbacks are open.