ئه‌ڤرۆ ته‌رمێ عه‌لى قازى كورێ پێشه‌وا قازى محه‌مه‌د ڤه‌گه‌رانده هه‌رێما كوردستانێ و د رێوره‌سمه‌كا تایبه‌تدا ل فرۆكخانا هه‌ولێرێ و ب ئاماده‌بوونا سه‌رۆكێ هه‌رێما كوردستانێ پێشوازى لێ هاته‌كرن.
نێچیرڤان بارزانى، سه‌رۆكێ هه‌رێما كوردستانێ د وێ رێوره‌سمێدا گۆتاره‌ك پێشكێشكر و راگه‌هاند: عه‌لى قازى هه‌مى ده‌ما د خه‌ما ئێكرێزى و پێكڤه‌ژیانا گه‌لێ خوه دا بوو.
لدۆر پێشه‌وا قازى محه‌مه‌د، نێچیرڤان بارزانى باس ل هندێ كر، پێشه‌وا قازى د قوناغه‌كا ئێكجار دژوار رێبه‌ریا ملله‌تێ خوه دكر، دوماهى جار ژى ب مه‌ردى چوویه لبن دارا سێدارێ و گیانێ خوه كره قوربانى.
عه‌لى قازى، تاقانه كورێ پێشه‌وا قازى محه‌مه‌ده، ل سپێده‌هییا رۆژا ئێكشه‌مبى 10-07-2022 ل نه‌خۆشخانه‌كا ئه‌لمانیا ژ ئه‌گه‌رێ راوه‌ستیانا دلێ وى گیانێ خوه ژ ده‌ستدا.
عه‌لى قازى محه‌مه‌د ل سالا 1933 ل باژێرێ مهابادێ ل رۆژهه‌لاتێ كوردستانێ ژدایكبوویه، ده‌مێ راگه‌هاندنا كومارا كوردستان ته‌مه‌نێ وى 13 سالبوو، ده‌مه‌كێ سه‌رۆكێ پارتا ئازادیا كوردستانێ بوو، به‌لێ ژبه‌ر نه‌خوشیێ ده‌ست ژ پۆستێ خوه به‌ردا.
Comments are closed, but trackbacks and pingbacks are open.