سه‌رۆكێ هه‌رێما كوردستانێ نێچیرڤان بارزانى دپه‌یامه‌كێدا ل دۆر ره‌وشا عیراقێ و تێكدانا ده‌ستهه‌لاتا دادوه‌رى دیاركر، تێكدانا دامه‌زراوه‌یێن دادوه‌رى، دێ ره‌وشێ ئالۆزتر كه‌ت، له‌وما داخوازێ ژ هه‌مو لایه‌ن و خۆپیشانده‌ران دكه‌ن دامه‌زراو و ئاشتییا جڤاكى بپارێزن و ژ تێكدانا ئاشتییێ دووربكه‌ڤن.
سه‌رۆكێ هه‌رێما كوردستانێ ئاماژه ب هندێ ژى كر، ئێدى وه‌لات خوه ل به‌ر ئه‌ڤان هه‌موو قه‌یرانێن دژوار و بارگرانییان ناگریت، درێژبوونا ئالوزیان دێ زیانێ ب هه‌موو گه‌لێ عیراقێ گه‌هینیت.
ده‌قێ په‌یاما سه‌رۆكێ هه‌رێما كوردستانێ نێچیرڤان بارزانى:
ب دلگرانیڤه ته‌ماشه‌ى پێشهاتێن سیاسى یێن عیراقێ دكه‌ین، و هندى وێڤه‌تره پتر ب ئاراسته‌یێ تێكچوون و كوربوونا زێده‌تر یا قه‌یرانان و دوو‌ركه‌ڤتن ژ چاره‌سه‌رییان دچن، ئه‌ڤ ره‌وشه دێ پاشه‌رۆژ و ئاشتییا جڤاكى ئێخیته دمه‌ترسییه‌كا جددى دا، و پرۆسه‌یا سیاسى و دامه‌زراوه‌یێن حكومرانییێ تێكده‌ت.
خۆپیشاندانێن مه‌ده‌نى و ئاشتییانه مافه‌كێ ره‌وا و ده‌ستوورى یێ پاراستییه، به‌لێ تێكدانلا دامه‌زراوه‌یێن دادوه‌رى دێ ره‌وشێ ئالوزتركه‌ت، له‌وما داخوازێ ژ هه‌موو لایه‌ن و خۆپیشانده‌ران دكه‌ین دامه‌زراوه و ئاشتى و جڤاكى بپارێزن، و ژ تێكدانا ئاشتى و مه‌ده‌نییه‌تێ دووربكه‌ڤن، وه‌لات ئێدى خوه ل به‌ر ئه‌ڤان هه‌موو قه‌یرانێن دژوار و بارگرانییان ناگریت، و درێژبوونا ئالوزیان دێ زیانێ ب هه‌موو گه‌لێ عیراقێ گه‌هینیت.
ئه‌م ل هه‌رێما كوردستانێ جاره‌كا دى دووپاتییێ ل وێ چه‌ندێ دكه‌ین، وه‌كو هه‌موو جاران به‌شه‌ك ژ چاره‌سه‌رییاینه و دێ هه‌موو هاریكارییان بۆ لێكگه‌هشتن و پێكهاتنا لایه‌نێن عیراقێ كه‌ین، وه‌لات پێدڤى ب دانوستاندنێن نیشتیمانى و به‌رپرسیارییا لایه‌نێن سیاسى بۆ دیتنا چاره‌سه‌رییان ل سه‌ر بنه‌مایێن ده‌ستوورى یه، و ئه‌و رێكا ئێكانه‌یه یا درووسته بۆ ده‌ركه‌ڤتن ژ قه‌یرانان و گه‌هاندنا وه‌لاتى بۆ ده‌ڤه‌ره‌كا ئارام.
نێچیرڤان بارزانى
سه‌رۆكێ هه‌رێما كوردستانێ
Comments are closed, but trackbacks and pingbacks are open.