نێچیرڤان بارزانى، سه‌رۆكێ هه‌رێما كوردستانێ ئه‌ڤرۆ پێشوازى ل خالد بن حه‌مه‌د ئه‌لسلێتى، بالیۆزێ قه‌ته‌ر ل عیراقێ كر.
سه‌رۆكێ هه‌رێمێ و بالیۆزێ قه‌ته‌ر، د كۆمبوونێدا په‌یوه‌ندییێن عیراق و هه‌رێما كوردستانێ دگه‌ل قه‌ته‌ر، ره‌وشا سیاسییا عیراق و دوماهیك پێشهات، بزاڤێن ڤه‌كرنا كۆنسۆلخانا گشتییا قه‌ته‌ر ل هه‌ولێرێ ل داهاتوویدا، ده‌رفه‌تێن وه‌به‌رهێنانا قه‌ته‌ر ل هه‌رێما كوردستانێ، ئاماده‌كارییێن قه‌ته‌ر بۆ مۆندیالا جیهانییا 2022، گرنگییا ئارامى و سه‌قامگیرییا سیاسییا عیراق بۆ ده‌ڤه‌رێ، په‌یوه‌ندییێن عیراق و هه‌رێما كوردستانێ دگه‌ل وه‌لاتێن جیران و چه‌ندین پرسێن دى یێن گرنگ گۆتۆبێژكرن.
هه‌روه‌سا هه‌ردوو ئالییان دووپات ل خواستنا قه‌ته‌ر و هه‌رێما كوردستانێ بۆ پێشڤه‌برنا زێده‌تر ب په‌یوه‌ندییان و هاریكارییا هاڤبه‌ش دناڤبه‌را وان دا، ڕه‌خساندنا ئه‌رده‌كێ گۆنجایى بۆ وه‌به‌رهێنانا قه‌ته‌رێ د كه‌رت و بوارێن جودا ل هه‌رێما كوردستان و عیراقێ، هه‌روه‌سا باحس ل گرنگییا گه‌شتێن ڕاسته‌وخۆ یێن هێلا ئاسمانییا قه‌ته‌ر بۆ عیراق و هه‌رێما كوردستانێ كر.
Comments are closed, but trackbacks and pingbacks are open.