نێچیرڤان بارزانی، سەرۆکێ هەرێما کوردستانێ پەیامەک بەلاڤکر و تێدا ب توندی ئیدانا هێرشێن تیرۆرستێن داعش یێن شڤێدی کر
سەرۆکێ هەرێما کوردستانێ راگەهاند: ب توندی ئیدانا هێرشێن تیرۆرستێن داعش یێن شڤێدی کو سێ برا ژ خێزانەکێ تێدا شەهیدبوون و و چەند وەلاتیێن دەڤەرێ برینداربوون و چەند قارەمانێن دی یێن پێشمەرگەی تێدا شەهید بووین.
نێچیرڤان بارزانی سەرەخوشیێن خوە گەهاندنە بنەمال و کەسۆکارێن سەربەرزێن شەهیدان و هیڤیێن ئارامیێ و سەبرێ بۆ خێزانێن وان خواستن.
سەرۆکێ هەرێما کودستانێ راگەهاند ژی؛ دێ بەرسڤێن توند و بلەز و رێکارێن بەرگریێ بەرامبەر هێرشێن رۆژانە یێن تیرۆرستێن داعش هێنە کرن و دێ سنوورەک بۆ تاوان و کریارێن وان یێن تیرۆرستی هێتە دانان.
نێچیرڤان بارزانی؛ پێدڤییە پێداچوون بۆ رەوش و شیانێن پێشمەرگەی بهێتەکرن و هەماهەنگییەکا کارا تر دناڤبەرا هێزێن پێشمەرگەیی و سۆپایێ ئیراقێ و هەڤپەیمانییا ناڤدەولەتیدا بهێتە کرن بۆ پرکرنا وێ بوشاییا ئەمنی و سەربازی یا دناڤبەرا هێزێن پێشمەرگەی و هێزێن ئیراقێدا.
Comments are closed, but trackbacks and pingbacks are open.