سەرۆکێ هەرێما کوردستانێ پیرۆزباهی ل هەر ئێک ژ محەمەد حەلبووسی ب هەلکەفتا ب دەستڤە ئینانا باوەریا پەرلەمانی و محسن مەندەلاوی ب هەلکەفتا هەلبژاتنا وی وەک جێگرێ ئێکێ یێ سەرۆکێ پەرلەمانی کر.
سەرۆکایەتیا هەرێما کوردستانێ راگەهاند، رۆژا چوارشه‌مبی 28-09-2022 نێچیرڤان بارزانی، سه‌رۆکێ هه‌رێما کوردستانێ د دوو پەیۆەندییێن تەلەفۆنی یێن جودا دا پیرۆزباهی ل محەمەد حەلبووسی، سەرۆکێ جڤاتا نوونەرێن عیراقێ و مەحسن مەندەلاوی بۆ هەلبژارتنا وی وەک جێگرێ ئێکێ یێ سەرۆکێ جڤاتا نوونەرێن عیراقێ کر، کو د ڕۆنشتنا ئەڤرۆ یا جڤاتێ دا ب ریڤەچووی هاتنە هەلبژارتن.
سەرۆکێ هەرێما کوردستانێ هیڤیا سەرکەفتنێ بۆ حەلبووسی و مەندەلاوی و کار و ئەرکێ وان د جڤاتا نوونەرێن عیراقێ دا خواست و دوپاتی ل پاراستن و ئارامی و پێدڤییا وەلاتی ب کارکرنا پێکڤە و دەربازکرنا ئاستەنگ و دژوارییێن ل هەمبەر پرۆسا سیاسی یا وەلاتی ب گوتوبێژ و لێکتێگەهشتن کر.
ل گۆرەی سەرۆکایەتیا هەرێما کوردستانێ، ژ لایێ خۆ ڤە محەمەد حەلبووسی و محسن مەندەلاوی، سوپاسی و پێزانینێن خۆ بۆ پەیۆەندیا سەرۆکێ هەرێما کوردستانێ دیتارکرن.
Comments are closed, but trackbacks and pingbacks are open.