رێڤەبەرییا گشتییا وەبەرهێنانێ ل پارێزگەها دهۆکێ مۆلەتا وەبەرهێنانێ دایە پڕۆژەیێ نەخۆشخانا پەنجەشێرێ ب ناڤێ (نەخۆشخانا مان یا پەنجەشێرێ)، دێ ژ 12 قاتان پێك هێت و د دەمێ سێ سالاندا دێ کەڤیتەکاری، پڕۆژە دێ ب کۆژمێ 6 ملیۆن و 500 هزار دۆلاران و ژلایێ وەبەرهێنەر یاسین ئەنوەر میرزا هێتە ئاڤاکرن.
نەخۆشخانا مان دێ پێك هێت ژ ئاڤاهییەکێ 12 قاتی و کو 8 قات ل سەر ئەردن و 4 قات ژی بن ئەرد کو قاتێ ئێکێ ژ تاقیگەهـ، تیشك، کلینیک، چارەسەریا سرۆشتی، هەروەسا قاتێ دوویێ بۆ خزمەتگوزاریان، لێنانگەهـ، بەشێ تەکنیک، جهێ بهێنڤەدانا ستافی، کۆگەهـان هاتییە تەرخانکرن.
قاتێن (3 و 4) ژی بۆ پارککرنا ترومبێلان هاتییە دەستنیشانکرن و قاتێ سەرئەرد ژی هۆڵا پێشوازیێ، بەشێ تەنگاڤیا، کلینیک و دەرمانخانە دێ تێدا بن.
هه‌روه‌سا قاتێ ئێکێ یێ سەر ئەرد ژی دێ هۆڵا نەشتەرگریا و چاڤدێریا چڕ و قاتێ دوویێ ژی بۆ کارۆبارێن کارگێڕی تێدا هێنە دانان.
قاتێن (3،4،5،6) ژی دێ بۆ ژوورێن نڤاندنا نەخۆشان بن و قاتێ حەفتێ ژی دێ بۆ ژۆرێن (VIP) و پارككرن و باخچە و کەسکاتی و دەڤەرێن ڤەکری بیت.
پڕۆژەیێ نەخۆشخانا پەنجەشێرێ دێ ل سەر رووبەرێ 3020.67م2 ل تاخێ شندۆخایا رۆژهەلات هێتە ئاڤاکرن، کو دکەڤیتە بەرامبەر پڕۆژەیێ ئاکنجیبوونێ یێ هێژا ستی (Grand leval).
بۆ زانین ئەڤە دووەمین نەخۆشخانەیا پەنجەشێرێ یە ل دهۆکێ مۆلەتا وەبەرهێنانێ وەردگریت و پڕۆژەیێ دیتر ژی دکەڤیتە دەڤەرا حەوشکێ ل رۆژئاڤایێ دهۆکێ.
Comments are closed, but trackbacks and pingbacks are open.