په‌یڤدارێ هاتنوچوونا هه‌ولێرێ سه‌باره‌ت هه‌وا ده‌ستبسه‌رداگرتنا ماتورسكلێن نه‌یاسایی ڕوونكرنێ دده‌ت و دبێژیت، پڕانیا ماتورسكلان چ به‌ڵگه‌نامه‌یێن یاسایی نینن و هه‌ر ماتورسكله‌ك ژی ب فه‌رمی هاتبیته ناڤا هه‌رێما كوردستانێ ده‌ستبسه‌ردا نه‌هاتیه‌گرتن.
فازل حاجی په‌یڤدارێ ڕێڤه‌به‌ریا هاتنوچوونا هه‌ولێرێ د كونگره‌یه‌كێ ڕۆژنامه‌ڤانیدا ڕاگه‌هاند: ژ 397 بویه‌رێن هاتنوچوونێ یێن كو د شه‌ش مه‌هێن ده‌ربازبوویدا روویداین، 66 ژ وان بویه‌ران ب ئه‌گه‌رێ ماتورسكلان بوویه و هه‌ر بویه‌ره‌كا ماتور سكل ژی تێدابووی بوینه ئه‌گه‌رێ گیانژده‌ستدانێ یان برینداربوونێ ، ئه‌گه‌رێ هه‌وا ده‌ستبسه‌رداگرتنا ماتورسكلێن نه‌یاسایی ژی بو كێمكرنا بویه‌رێن نه‌خواستی ڤه‌دگه‌ڕیتن.
سه‌باره‌ت ڕاگرتنا ژێده‌رێ ئینانا ماتورسكلان بو هه‌رێما كوردستانێ، ناڤ هاتی ئاماژه ب وێ چه‌ندێ ژی كر،” ئه‌و وه‌ك هاتنوچوون به‌رپرسن ژ ماتورسكلان یێن كو دهێنه دناڤا جاده‌یاندا و رێگریێ لێ بكه‌ن، لێ لایه‌نێن دی هه‌نه به‌رپرسن ژ وێ چه‌ندێ كو ماتورسكل نه‌هێنه دناڤا هه‌رێما كوردستانێدا”.
ئاشكه‌را ژی كر،” هه‌ر ماتورسكله‌ك ب شێوه‌یێ فه‌رمی ل ده‌رگه‌هێن سنوری هاتبیته ناڤا هه‌رێما كوردستانێدا و به‌ڵگه‌یێن فه‌رمی هه‌بن ده‌ستبسه‌ردا نه‌هاتیه‌گرتن، لێ پڕانیا وان ماتورسكلالێن دنهادا هه‌یی، چ به‌ڵگه‌نامه‌یه‌كا فه‌رمی نینه و نه‌یاسایینه”.
Comments are closed, but trackbacks and pingbacks are open.