سەرکردەیەکێ ھەڤپەیمانیا دەولەتا یاسا ب سەرۆکایەتیا نوری مالکی ڕادگەھینیت، چارچوڤێ ھەماھەنگیێ ژ پێخەمەت پێکئینانا حکومەتا نویا عیراقێ، سێ ھێلێن سوور وەک بنەمایەکێ سەرەکی پێتڤیە ل پێشچاڤ بھێنە وەرگرتن، گوت ژی” ھادی عامری بۆ گەھاندنا وێ پەیاما سێ خالی دێ سەرەدانا موقتەدا سەدر کەت”.
تورکی جەدعان سەرکردە ل ھەڤپەیمانیا دەولەتا یاسا ب سەرۆکایەتیا نوری مالکی د کونگرەیەکێ رۆژنامەڤانیدا ڕاگەھاند: سەرجەم ھێزێن دناڤا “چارچوڤێ ھەماھەنگیێ” ژ پێخەمەت دەربازبوون ژ ڤێ رەوشا ئاسێ ماییا سیاسیا وەڵات تۆش بووی، دەستپێشخەریەکا ھەمەلایەن و بەرفرەە ئامادەکریە و ل ڤان نێزیکان ب رێکا شاندەکێ چارچوڤێ ھەماھەنگیێ ب سەرۆکایەتیا ھادی عامری دێ سەرەدنا نەجەف کەت و دێ وێ دەستپێخەریێ دێ ئێخیتە ھەمبەر موقتەدا سەدر.
جەدعان گوت ژی،” د وێ دەستپێشخەریێدا چارچوڤێ ھەماھەنگیێ سێ ھێلێن سوور وەک بنەمایەکێ سەرەکی کو پێتڤیە ل پێشچاڤ بھێنە وەرگرتن دەستنیشانکرینە کو پێک دھێن ژ ” درۆستکرنا مەزنترین کوتلەیا پەرلەمانیل شیعی، ھەلبژارتنا سەرۆک وەزیران بتنێ رێکا ناڤ ماڵا شیعی، و بنەمایێ سێیێ ژ ، سەرجەم ھێزێن ناڤا ماڵا شیعی بێی جوداھیا بوچوونا ھەبیت ژ پێکئینانا حکومەتێ و ھەلبژارتنا کاندیدێ پۆستێ سەرۆ: وەزیران” پێک دھێت”.
دوپات ژی کر،” ئەو دەستپێشخەریە دێ چارەسەریا رەوشا ئاسێ ماییا سیاسیا وەڵاتی و لادانا ناکوکیێن ھەیی لبەرچاڤ ھاتینە گرتن، ب شێوەیەکێ دوماھیک جار ئەو چارەسەریە دێ د بەژوەندیا سەرجەم پێکھاتەیاندا بیت”.
Comments are closed, but trackbacks and pingbacks are open.