محەمەد حسێن زێباری
بابەتەکێ زور گرنگ و ل هه روەزعەکی دا و بارودوخەکێدا دڤێت گرنگیا وێ هه ر یابەردەوام بیتن و بەردەوامیا وێ پێشکەفتنا گەڵ و مللەتێ کوردە …..پەروەردە و فێرکرن،…. دروستکرنا تاکەکێ دەرون پاقژ یان ناڤەندا هەڤگرتن و بڵاڤبونا هزرێن خراپ.
دروستبونا باشترین مروڤ ل کومەڵگەهێ دەرئەنجامێ باشترین پەروەردەیە، ئەفجا ئەڤی مروڤێ باش ل ماڵ یان کومەڵگەهێ یانیش ل قوتابخانێ ئەڤ پەروەردا باش یا دیتی، زور جارا دێ بینی ل قوتابخانەکێ پشتی تەمامکرنا شەش ساڵێن سەرەتایی یێن خوێندنێ، هندەک ژ قوتابی زور باشن ل پەروەردێ و هندەکیش مام ناوەند و هندەکیش خراپ، ئەڤ چەندە یا گرێدایە ب سێ فلتەرێن دەربازبونێ ل پەروەردێ، ئەویش ماڵ، قوتابخانە و کومەڵگەهن، ل ماڵ دایک و باب دشێن ژینگەهەکا هەژی بو زاروکێن خو دابینبکەن بو پەروەردێ، ل قوتابخانێ سیستەمێ پەروەردێ و ماموستا دشێن ژینگەها پێدڤی بو قوتابیا دابین بکەن، ل کومەڵگەهێش بابەت جیاوازترە، چونکو ل وەڵاتەکێ بو وەڵاتەکێ جودایە،
” پەروەردە بنیاتێ گەشە و ئاڤا بوونا مللەتانە “
بو نمونە ل وەڵاتێ مە کومەڵگەهێن مە ئایین سەروەریێ دکەت، ل ڤێ کومەڵگەهێدا ئەرکێ ماموستایێ ئایینی یە کو بشێت گوتارەکێ ل دیف بەرژەوەندیا وەڵاتێ خوە بو دایک و باب، ماموستا و قوتابیا بێژیت، چونکو ل کومەڵگەهێن روژهەڵاتا ناڤین بگشتی دین دەورێ ئەخلاقی دبینیت، لایەنێ کەم دڤێت ماموستایێ ئایینی ل بن فشارا گروپ و وەلائێن تایبەت دەربچیت و بشێت پەیامەکا ئەخلاقی بگەهینتە کومەڵگەهێ ، هیڤی خوازم خودێ مەزن بێهن فرەهی و هێزەکا مەزنتر بدەتە ماموستا و قوتابیان و خوشیەویستیەکا بێسنور ل بەینا ماموستا و قوتابی دروست ببیت.
پەروەردە بنیاتێ گەشە و ئاڤا بوونا مللەتانە و دڤێت کەسێن هەژی سەروەریا پەروەردێ بکەن..دگەل رێزو سلاڤێن برایێ وەیێ بچیک
Comments are closed, but trackbacks and pingbacks are open.