ڕێڤەبەرێ گشتیێ بەنداڤان لهەرێما كوردستانێ ڕاگەهاند، ئەڤ ساڵە هەتا ڕادەكی كێمی و قەیرانا ئاڤا ڤەخوارنێ دێ پەیدابیت، و هشكەساڵی دێ زیانێ گەهینیتە ئاكنجیێن گوندان، و هەتا نوكە حكومەتا هەرێمێ وەكو پێدڤی بودجە وپلان بۆ بەرهنگارییا هشكەساڵیێ دیار نەكرینە.
ئەكرەم ئەحمەد ڕێڤەبەرێ گشتیێ بەنداڤان لهەرێما كوردستانێ د داخۆیانیەكا ڕۆژنامەڤانیدا ڕاگەهاند، ژئەگەرێ كێمییا باران بارینێ و گرتنا ڕووبار و ژێدەرێن ئاڤێ ژلایێ وەڵاتێن هەڤسنورڤە، ئاڤا بەنداڤ و ڕووبار و ئاڤا ژێر زەڤی كێم بووییە.
لەوڕا دهێتە پێشبینیكرن ئاڤا ڤەخوارنێ كێم ببیت، و ئەگەر حكومەت پلانەكێ بۆ چارەسەركرنا ڤێ كێشێ نەدانیت، ل ساڵا داهاتی دێ كاریگەرییەكا خرابتر هەبیت.
ئەكرەم ئەحمەد گوت: هشكەساڵی دێ زیانەكا مەزن گەهینیتە ئاكنجیێن گوندان و بتایبەتی جوتیار و وان كەسێن تەرش و كەواڵی بخودان دكەن.
Comments are closed, but trackbacks and pingbacks are open.