غیاس خالد زێبارى
پرسا خۆ كاندیدكرنا هشیار زێبارى بۆ سه‌رۆكاتیا ئیراقێ بوویه مژاره‌كا گه‌م یا ئیراقێ و كوردستانێ و راگه‌هاندن و سۆرشیال میدیایێ ، گه‌هشتیه وى راده‌ى هنده‌ك ئالیێن سیاسى دژى خۆ كاندیدكرنا وى راوه‌ستن و هه‌وڵ دده‌ن جادا ئیراقێ دژى وى بلڤینن و به‌هانه و تاوانێن بێ بنه‌ما دژى جه‌نابێ وى به‌ڵاڤ بكه‌ن ، نه‌خاسمه ئێكه‌تیا نشتیمانیا كوردستانێ .
بۆ پارتیه‌كا وه‌كێ ئێكه‌تیێ گاڤه‌را ڕه‌وا و چاڤه‌رێكریه ، چونكى ئێكه‌تیێ پشتى وه‌غه‌را خودێ ژێ رازى مام جه‌لال تاله‌بانى پۆستێ سه‌رۆكاتیا ئیراقێ بۆ به‌رژه‌وه‌ندێن تایبه‌ت و حزبایه‌تى بكار ئینایه ، نه‌ك به‌ڕه‌ڤانیكرن ل مافێن خه‌لكێ كوردستانێ یێن ده‌ستوورى ، كۆ ئێكه ژ ئه‌ركێن سه‌رۆككۆمارى ، لده‌ست دانا ڤى پۆسته‌ى سه‌نگ و پێگه‌هێ ئێكه‌تیێ لسه‌ر ئاستێ ئیراقێ و كوردستانێ دێ لاوازتر بیت .
ده‌رباره‌ى كه‌سایه‌تیا رێزدار هشیار زێبارى، ئێكه‌تى زێده‌تر ل هه‌ر كه‌س و لایه‌نه‌كى دزانیت كۆ هشیار زێبارى سه‌نگه‌كا زێده‌تر بۆ پێگه‌هێ سه‌رۆككۆماریێ دێ زڤرینیت و ب ئه‌ركێ خۆ یێ یاسایى و ده‌ستوورى رابیت و عه‌یب و كێماسى و بێ حورمه‌تی و سه‌ره‌ده‌ریێن سه‌رۆككۆمارێ سه‌ر ب ئێكه‌تیێ بۆ جادا ئیراقێ و كوردستانێ دێ ئاشكرا بن .
جهێ پسیارێ یه ئه‌رێ كوردا وه‌كى نه‌ته‌وه ، یا هه‌رێما كوردستانێ وه‌كى جوگرافى و قه‌واریه‌یه‌كێ سیاسى و ئیداریێ ده‌ستوورى چ مفا ل سه‌رۆككۆمارێن پشتى مام جه‌لالێ خودێ ژێ ڕازى دیتیه …؟!
هشیار زێبارى ب ئه‌زمۆنا خۆ یا چه‌ندین ساڵى دناڤ پارتى دیموكراتى و كوردستان و بزاڤا رزگاریخوازیا كوردستانى و پاشان وه‌كى وه‌زیرێ ده‌رڤه یێ ئیراقێ بوویه سیاسى و دبلۆماتكاره‌كێ نشتیمانى و شۆره‌شگێر و كاریزما و كه‌سایه‌تیه‌كێ جیهانى و نیڤ ده‌وله‌تى و جهێ رێزه‌كا تایبه‌ت .
خه‌باتا سیاسى و دبلۆماتكاریا هشیار زێبارى بۆ خزمه‌تا بزاڤا رزگاریخوازیا كوردستانى هه‌رده‌م ل چه‌ندین سه‌رۆككۆماریا ئیراقێ مه‌زنتر و زێده‌تر بوویه ، لناڤه‌را ساڵێن هه‌شتێ یان هشیار زێبارى داینه‌مۆیا په‌یوه‌ندى و دبلۆماسیه‌تا كوردستانى بوویه لگه‌ل جیهانێ و شیابوو پرس و ده‌نگ و گاره‌ساتێن خه‌لكێ كوردستانێ بگه‌هینته وه‌ڵاتێن جیهانێ و سازیێن نیڤ ده‌وله‌تى و ئه‌كته‌ره‌كێ كاریگه‌ر بوویه ل جڤاتا راپه‌ڕاندنا كۆنگرێ ئیراقێ یا ئۆپۆزسیۆن دناڤبه‌را 1992 ــ 1999 .
ل ده‌مێ وه‌زیرێ ده‌رڤه یێ ئیراقێ ژى ل ( 2004 ـــ 2014 ) ل دبلۆماسیه‌ت و كارناما وى ده‌رگه‌هێن په‌یوه‌ندیێن هه‌رێما كوردستانێ زێده‌تر لگه‌ل جیهانێ ڤه‌بوون و چه‌ندین وه‌ڵاتان كۆنسلخانێن خۆ ل هه‌رێما كوردستانێ ڤه‌كرن .
ئه‌ڤه‌ژى گاڤێن چاڤه‌رێكریبوون بۆ كه‌سایه‌تیا هشیار زێبازى ، چونكى وه‌كى پێگه‌هێ جڤاكى د ئاسته‌كێ بلند دایه و وه‌كى كه‌سایه‌تیه‌كێ سیاسى و نه‌ته‌وى و نشتیمانى ژى دناڤ مه‌زنترین قوتابخانه دا په‌روه‌رده و مه‌زن بوویه كۆ رێبازا بارزانى و پارتى دیموكراتى كوردستانه و كه‌سه‌كێ هه‌ره نزیكێ سه‌رۆك مه‌سعوود بارزانى یه و لوى فێرى زۆر وانه‌یێن مرۆڤپه‌روه‌ریێ و راستگۆیێ و نشتیمان په‌روه‌ریێ و به‌ڕه‌ڤانیكرنێ ل مافێن خه‌لكێ كوردستانێ بوویه ، ژبه‌ر ڤان هه‌ڵویستێن نشتیمانى یێن هشیار زێبارى عه‌ره‌بێن شۆفینى یێن ئیراقێ وه‌كى جوداخواز دده‌نه نیاسین و هه‌وه‌كا به‌رفره‌هــ یا پڕوپاكندا ل راگه‌هاندنێ و سۆشیال میدیایێ به‌رپاكریه .
به‌ربژێركرنا وى بۆ پۆستێ سه‌رۆككۆماریێ ژلایێ سه‌رۆك بارزانى و پارتى دیموكراتى كوردستان نه ژبه‌ر هندێ یه كۆ كه‌سایه‌تیا وى مه‌زنتر و بلندتر بیت ، به‌لكى رێزدار هشیار زێبارى لسه‌ر كۆرسیا سه‌رۆككۆماریێ ل كۆچكا ( السلام ) دێ پارێزه‌رێ ده‌ستوورێ ئیراقێ بیت، بتایبه‌ت مافێن خه‌لكێ كوردستانێ و به‌رژه‌وه‌ندێن هه‌رێما كوردستانێ یێن یاسایى و ده‌ستوورى .
- دکاری هەموو بابەتین خۆ ببینی ….
Comments are closed, but trackbacks and pingbacks are open.