وه‌زاره‌تا چاندنا هه‌رێما كوردستانی بۆ رێگریكرن ژ به‌لاڤبوونا تایا خوینبه‌ربوونێ چه‌ند بریاره‌ك دان و راگه‌هاند، ئه‌و گیانه‌وه‌رێن دئیننه هه‌رێمێ دهێنه كه‌رنتینكرن، و رێڤه‌به‌رێ گشتى یێ سامانێن گیانه‌وه‌رى ل وه‌زاره‌تا چاندنێ گوت، رۆژانه نێزیكى 5 هزار گیانه‌وه‌رێن جوراوجور دئیننه هه‌رێما كوردستانێ دا.
رابەر محەممەد، رێڤه‌به‌رێ گشتى یێ سامانێ گیانه‌وه‌رى ل وه‌زاره‌تا چاندنا هه‌رێمێ راگه‌هاند، بۆ رێگریكرن ژ به‌لاڤبوونا تایا خوینبه‌ربوونێ بریار هاته دان هه‌ر گیانه‌وه‌ره‌كێ بێته د هه‌رێمێ دا پێدڤیه ماوێ 21 رۆژا بهێته كه‌ره‌نتینكرن.
محمدى ئاماژه كر، ژ ئه‌گه‌رێ نه ته‌مام بوونا جهی كه‌ره‌نتینكرنێ ئه‌و بریار وه‌ك خو نه‌هاتیه جێبه‌جێكرن و ل وى وه‌لاتێ دهێنه هنارتن به‌رى هنارتنێ كه‌ره‌نتین دكه‌ن و ل هه‌رێما كوردستانێ ئه‌و جهێ دبه‌نێ 21 رۆژان دهێته كه‌ره‌نتینكرن و رێكێ ناده‌ن ببه‌نه دناڤ مه‌یدانكێن گیانه‌وه‌ران دا.
رێڤه‌به‌رێ گشتى یێ سامانێ گیانه‌وه‌رى ل وه‌زاره‌تا چاندنا هه‌رێمێ دوپاتكر، ژ ئه‌گه‌رێ به‌لاڤبوونا نه‌خوشیێ، بتنێ رێك ب وه‌لاتێ جورجیا و ئه‌رمینیا دهێته‌دان گیانه‌وه‌ران بیننه هه‌رێما كوردستانی.
Comments are closed, but trackbacks and pingbacks are open.