دەستهەڵاتدارێن ئەندونیسیا ئاشكرا كر، هژمارا قوربانیێن ڤۆڵكانا (سیمیرو) یا وێرانكەر ئەوا ل ڕۆژهەلاتێ گزیرتا جاوا سەرهەلدای، گەهشتنە 39 كوشتیان و دهەمان دەمدا تیمێن قورتالكرنێ بەردەوام ل جەنازەیان دگەڕن و بدوور ناهێتە زانین پەقینێن ڤۆڵكانێ ژی دووبارە ببن.
ئاژانسا دیڤچوون و دهەوارچوونێ یا ئەندونیسیا ڕاگەهاند، تیمێن وان چوار جەنازەیێن دی ژ بن خوەلی پەلا ڤۆڵكانێ دەرێخستن، و كەسەكێ دی ژئەگەرێ دژوارییا برینێن خۆ ل نەخۆشخانەكا وی وەڵاتی گیانێ خۆ ژدەستدایە، ب وێ چەندێ هژمارا قوربانیێن ڤۆڵكانێ گەهشتینە 39 كەسا، و هەتا نوكە 12 كەسێن دی دبێ سەروشووینن.
ل ڕۆژا شەمبیا دەربازبوویی ڤۆڵكانا (سیمیرو) ل ڕۆژهەلاتێ گزیرتا جاوا ل ئەندونیسیا سەرهەلدا، و ئاگر و خوەل پەلا وێ یا كوژەك گەندین گوندێن وێ دەڤەرێ ڤەگرتن، دئەنجامدا بهزاران خەلكێ وان گوند و دەڤەرا مالێن خۆ بجهـ هێلان و قەستا هندەك دەڤەرێن ئارام كرییە، و ڤۆڵكانێ بسەدان خانی و ئاڤاهی وێرانكرن و بسەدان ترومبێل سوتن و جاددە و كولانێن وان گوند و باژێڕكان ب تەخەكا ستوورا خوەلیێ پڕكرن.
Comments are closed, but trackbacks and pingbacks are open.