دبه‌یانەكێ دا كۆ دانه‌یه‌ك ژێ گه‌هشتییه ئاژانسا خانی، جڤاتا رویسپی وكه‌سایه‌تیێن عیراقێ هوشداری ژ زێده‌بوونا هەژمارا وان كه‌سێن ئیرانی یێن دبنە خودان ناسنامه‌یا عیراقی دا.
دبه‌یانێدا هاتییه، دڤان سالێن دوماهییێ دا ب هزاران وەلاتییێن ئیرانی ناسنامه‌یێن عیراقی وه‌رگرتینه ب تایبه‌ت ل هەردوو پارێزگه‌هێن دیالا و نه‌جه‌ف، و ئەڤ كریارا ب مەترسی هەتا نوكە یا بەردەوامە.
د وێ بەیانێ كو بۆ هه‌رسێ سه‌روكاتیێن عیراقێ و دادگه‌ها فیدرالی وده‌سته‌یا نه‌زاهێ و وه‌زاره‌تا ناڤخۆ هاتییە ئاراسته‌كرن، هۆشداری هاتییەدان كو د دەمێ بهێت دا ئه‌ڤ كاره دێ كارتێكرنه‌كا خراب ل سەر دیموگرافییا ده‌ڤه‌رێ كه‌ت.
ل دۆر ڤی بابەتی لیوا خالد محەنا، پەیڤدارێ وەزارەتا ناڤخۆ یا عیراقێ بۆ ئاژانسا خانی گۆت: پێدانا ناسنامێن عیراقی ب كەسێن بیانی ل دویڤ رێنما و یاسایان دهێتەكرن و چ زێدەگاڤی تێدا ناهێنەكرن.
Comments are closed, but trackbacks and pingbacks are open.