هێرشه‌ك ب سێ فرۆكێن بێ فرۆكه‌ڤان ل سه‌ر فرۆكخانا ناڤده‌وله‌تى یا به‌غدا هاته كرن و زیان نه‌دیارن.
شانه‌یا راگه‌هاندنا ئه‌منى یا ئیراقێ راگه‌هاند، پشتى گرۆپین ژ قانوونێ ده‌ركه‌فتین رۆژا چارشه‌مبى ب سێ مووشه‌كان بنگه‌هێ به‌له‌د یێ ئه‌سمانى ل باكورێ به‌غدا كرییه ئارمانج، جاره‌كا دى ل دره‌نگییا شه‌ڤا هه‌مان رۆژ فرۆكخانا به‌غدا ژى ب رێیا سێ فرۆكێن درۆن كره ئارمانج.
مه‌هێن بوورى چه‌ندین جاران بنگه‌هێ عه‌ین ئه‌سه‌د و بنگه‌هێ ئه‌سمانى یێ به‌له‌د ل پارێزگه‌ها سه‌لاحه‌دین بووینه ئارمانجا مووشه‌ك و فرۆكێن بێ فرۆكه‌ڤان یێن بۆمبه‌كرى و زیان ب دووڤ خوه دا ئیناینه، ل سه‌ر وان هێرشان یه‌كینه‌یێن حزبوللا یا ئیراقى و چه‌ند گرۆپێن چه‌كدار یێن شیعه یێن نێزیكى ئیرانێ دهێنه تۆمه‌تباركرن.
Comments are closed, but trackbacks and pingbacks are open.