ل زالگەها كەركوك رێگری ل چوونا ئایدن مەعرۆف وەزیرێ هەرێمێ بۆ كاروبارێن پێكهاتان هاتە كرن كو ل بەربوو بچیتە خورماتوو و پشكداریێ د رێ و رەسمەكێ دا بكەت.
ل دویڤ راگەهاندنەكا نڤیسینگەها ئایدن مەعرۆف وەزیرێ هەرێما كوردستانێ ب كاروبارێن پێكهاتان، وەزیرێ ناڤبری ل بەربوو سەرەدانا خورماتوو بكەت بۆ پشكداریكرنێ د رێ ورەسمێن سالڕۆژا كوشتنا سەركردەیەكێ توركمان، لێ ل زالگەها كەركوك رێگری لێ هاتە كرن و رێ نەهاتە دان ئەو وەزیرێ توركمانێ هەرێمێ بچیتە ناڤ وی باژێڕی.
نڤیسینگەها وی وەزیری د راگەهاندنا خۆ دا داخوازێ دكەت لایەنێن پەیوەندیدار ل سەر ڤێ رویدانێ بهێنە دەنگ و ڤەكۆلینێ د ڤێ رویدانێ بكەن.
Comments are closed, but trackbacks and pingbacks are open.