وەزارتا بازرگانی و پیشەسازییا هەرێما كوردستانێ ڕاگەهاند، ساڵانە 375 هزار تەنێن گەنمێ جوتیاران ل سەرجەم سایلۆیێن هەرێمێ دهاتنە وەرگرتن، بەلێ ژئەگەرێ هشكەساڵیێ، بۆ ئەڤ ساڵە چەنداتییا گەنمێ هاتییە وەرگرتن بۆ 300 هزار تەنان كێم بووییە، و زۆرترین ڕێژا گەنمی ل سەر ئاستێ هەرێما كوردستانێ دسنوورێ پارێزگەها سلێمانیێ دا بەرهەم هاتییە، بۆ هەر ئێك تەننا گەنمێ جوتیاران ژی حكومەتێ 850 هزار دینار دیاركرینە، كەواتە سەرجەمێ پارێ گەنمێ جوتیارێن هەرێمێ بۆ ئەڤ ساڵە دگەهیتە 255 ملیار دیناران.
وەزارتا بازرگانی ئەو چەندە ژی خۆیاكر، هەتا نوكە 104 ملیار دینار ژ پارێ گەنمێ جوتیاران گەهشتییە و هاتییە دابەشكرن، نوكە نێزیكی 151 ملیار دینارا ژ پارێ گەنمی ماییە ل جەم حكومەتا عیراقێ.
Comments are closed, but trackbacks and pingbacks are open.