رێڤەبەرێ گشتی یێ کۆمپانیا هێلا ئاسنی یا عیراقی دیار كر: دێ هێلا ئاسنی یا فاو هه‌تا پێشابیرێ دروست کەن و ب رێیا هەرێما کوردستانێ دێ گەهیننە تورکیا، بۆ هندێ بگەهیننە ئورۆپا.
تالب جەواد، رێڤەبەرێ گشتی یێ کۆمپانیا هێلا ئاسنی یا عیراقی راگەهاند، مە دڤێت هێلا ئاسنی یا فاو هه‌تا پێشابیرێ دروست بکەین، ئەوا هه‌یی ژی نووژەن بکەین، له‌وما ب رێیا هەرێما کوردستانێ دێ وێ هێلێ گەهینینە تورکیا” نوكه کار بۆ دیارکرنا خالێن پێکڤه گرێدانێ د بەردەوامن” بۆ ڤێ مه‌ره‌مێ ژی نوكه دانوستاندنێن مه ل گەل هەرێما کوردستانێ و تورکیا د بەردەوامن ” داكو پشتی هنگێ ده‌ست ب كاری بهێته كرن”.
ناڤهاتی گۆت ژی: پشتی دەستکرنێ ب کارێن بەندەرێ فاو نوكه مه پتر پێدڤی ب هندێ هه‌یه كو گرنگییێ ب هێلا ئاسنی بده‌ین” داكو ب رێیا تورکیا بگەهینە ئورۆپا” بۆ ڤی مه‌ره‌مێ ژی ئه‌م بزاڤێ دكه‌ین كو كۆمپانیه‌كا ئیتالی كارێ دیزاینێ بۆ بكه‌ت.
تالب جەوادی ئاشکرا کر ژی، هێلا هەولێر – فاو و تۆرا ئاسنی یا هەرێما کوردستانێ ئێکە ژ پرۆژێن گرنگ یین داهاتی” كو ئه‌م ل گه‌ل هه‌رێما كوردستانێ ڤه‌كۆلینان دكه‌ین.
Comments are closed, but trackbacks and pingbacks are open.