خورشید ئەحمەد سورچی
مروڤان سەربۆر دگەل گەلەك (سیستەمێن سیاسی)دا یێن هەین، بەلێ ڕەنگە سیستەمێ دیموكراسیێ پتری هـەمی سیستەمێن دی د بەرژەوەندیا تـاكێن جڤاكان دابوویە، بێگومان سیستەمێ دیموكراسی كۆمەكا تایبەتمەندیان یێت هەین، كو ئەوژی هەبوونا پارتێن سیاسی یە و مومارەسەكرنا وان یا سیاسی د ژیانا ڕوژانەدا، هەرێما كوردستانێ كو سیستەمێ وێ یێ سیاسی بەرەف دیموكراسیەتێ ڤە دچیت و هەر ئەڤ چەندەژی یا بوویە ئەگەر كۆمەكا پارتێن سیاسی دەربكەڤن و مومارسا سیاسی بكەن، بەلێ ئەو پرسا گرنگ ئەوە ئەرێ سیستەمێ دوو حـزبی یان فرە حــزبی یێ گونجاییە بۆ هەرێما كوردستانێ؟
بۆ بەرسڤدانا ڤێ پرسێ، دڤێت ئەم هەردوو سیستەمان بدەینە نیاسین:
1_ سیستەمێ دوو حزبی: ئەڤ سیستەمە دهێتە پێكئینان و بڕێڤەبرن ژ ئالیێ دوو پارتێن سیاسی و نە مەرجە تنێ دوو پارت هەبن، بەلكو ڕەنگە هندەك پارتێن بچویك هەبن، بەلێ د مومارسا سیاسی پشكدارنەبن وەكی ویلایەتێن ئێكگرتیێن ئەمریكا كو سیستەمێ وێ دووپارتیە ئەوژی پارتێن دیموكراتی و فیدڕالی و زێدەباری ڤان دوو پارتێن سەرەكی، كومەكا پارتێن دی یێت بچیك یێت هەین وەكی پارتا ئیشتراكی یا ئەمریكی و پارتا كار و پارتا جوتیارا.
2_ سیستەمێ فـرەحزبی: ئەڤ سیستەمە ب ئێك ژ تایبەتمەندیێ دیموكراسیێ دهێتە دانان، چونكی گەلەك جارا دهێتە گوتن كو دەولەت دیموكراس پێتڤیە فرە پارت بیت، بەلێ ئەڤەژی نەمەرجە چونكی مە دنموونەیا سەری دا، بەحسێ ئەمریكا كر كو مەلبەندەكێ بەلاڤەكرنا دیموكراسیێ یە بەلێ سیستەمێ وێ دوو پارتیە بـەلێ سیستەمێ فرە پارتی د ڕوژهەلاتا ناڤین یا بوویە فاكتەرەكێ هەرە گرنگ بۆ هەبوونا دیموكراسیێ و عێراق ژ وان دەولەتانە، كو سیستەمێ وێ فرە حزبیە بێگومان پشتی ژناڤچوونا ڕژێما بەعس گوڕەپانا سیاسیا عێراقێ كۆمەكا پارتێن نوی بخوڤە دیت، كو مومارسا سیاسی دكر و ئەم دشێن تەكەز لسەر هەرێما كورستانێ ب تایبەتی بكەین، كو د دەستپێكا پەیدابوونا قەوارا سیاسی یا هەرێمێ سیستەمێ هەرێمێ دوو پارتی بوو بەلێ د ئەڤڕۆ دا ئەم یێ دبینین كو چەندین پارتێن دی ێت دەركەفتین و یێت پێكولان دكەن بۆ گەهشتن ب دەستهەلاتێ و پشكداری كرن د ژینگەها سیاسی یا نافخویی یا هەرێمێ.
پشتی كو مە هەردوو سیستەم داینە نیاسین یا گرنگ ئەوە، كو بەرسڤەكا تەندروست بۆ پرسا خۆ بەرچاڤ بكەین. هەرێما كوردستانێ د سەردەمێ دوو حزبیێ گەلەك ئاریشە بۆ پەیدابوون مینا شەڕێ براكوژیێ و دابەشبوونا هەرێمێ بۆ دوو ناوچەێن جودا جودا، كو ب مخابنی ڤە دەستهەلاتا ڤێ ناوچێ لسەر ناوچا دی نینە و بەروڤاژی ژی یا درستە لەوڕا ب دیتنا من هەرێما كوردستانێ شكەستن یا ئیناندی د سیستەمێ دوو حزبی دا، لەوڕا سیستەمێ فرە حزبی بۆ خەلكێ هەرێمێ یێ گونجاییترە چونكی پارتێن دەستهەلادار ژ پێخەمەت مانا خو د دەستهەلاتێ دێ خزمەتگوزاریان بۆ خەلكی پێشكەش كەن و ئەنجام دەن و ئاپدێتا سیستەمێ سیاسی د سیستەمێ فــرە حزبی دا پتر كـارێ خــو دكەت
- دکاری هەموو بابەتێن خۆ ببینی ….
Comments are closed, but trackbacks and pingbacks are open.