رێڤەبەرێ گشتیێ بازرگانی ل هەرێما كوردستانێ راگەهاند: بڕیار هاتییە دان پشكا ئاهێن خوارنێ یێن هندەك تەخان بهێـتە راگرتن داكو پشكا ئاهێن خوارنێ یێن وەلاتیێن پێدڤی بهێـتە باشتر كرن، لێ هێشتا دیار نینە كەنگی ئەو بڕیار دێ هێتە ب جهئینان.
نەوزاد شێخ ئەحمەد رێڤەبەرێ گشتیێ بازرگانی ل وەزارەتا بازرگانی و پیشەسازییا هەرێما كوردستانێ گۆت: وەزارەتا بازرگانییا عیراقێ بڕیاردایە دابەشكرنا ئاهێن خوارنێ بهێتە رێكخستن و د وی چارچۆڤەی دا ئاهێن خوارنێ ژ هندەك تەخێن وەلاتییان دێ هێـتە بڕین.
وی بەرپرسێ بازرگانی د پەیڤەكا رۆژنامەڤانی دا گۆت: هێشتا ئەڤە بڕیارە و نەهاتییە ب جهئینان، لێ دەمێ دهێتە ب جهئینان، ئاهێن خوارنێ ژ نوژدار، بازرگانێن ژوورێن بازرگانی، سەرمایەداران، خودان كۆمپانی و بەلێندەران و وان فەرمانبەران دێ هێتە بڕین یێن مووچەیێ وان ژ ملیۆنەك و 500 هزار دیناران زێدەترە.
گۆت ژی: كارتا وان تەخان یا ئاهێن خوارنێ دێ هەر مینیت، داكو بۆ هەر كارەكێ وەكی سەرژمێریێ چ كێشە بۆ دروست نەبن.
Comments are closed, but trackbacks and pingbacks are open.