نڤیسین، ئەدیبا عزالدین تاهر
پروسێسا هەلبژاردانێ ، گەلەک یا گرنگە ،چونکو ب هەلبژاردن دبت كو گەلەک ئاریشە ،یان کێماسی، یان هەر گل و گازندەکا هەبت بێتە چارە کرن یەعنی نینەراتیا خەلکێ ژ بۆ چارە کرنا گەهاندنا هەر گیر و گرفتەکا هەبیت.
ل وەڵاتێن هەرە پێشکەفتی و ب فەرهەنگ ،خەلک ژ بەر خاترا چارە نڤیسێ خو یێ سیاسی ، کومەلایەتی ، ئابووری ، فەرهەنگیا خوە ب خزمتگوزاری و ب باشی و ڕاست و دروستاهی پێکولێ دکەت بۆ هندێ دا کو ناساندنا وەکیلەکی یان نینەرەکی کو شەڕ دکەن و کەسێ خودان باوەرن خوە د هەلبژیرێن.
شێم بێژم ب مخابنیڤه کو دیاردەک یان چێتر بێژم چاڤلکرنەک لدەف مە کوردان هەیە کو گەلەک زی ئەڤ نەساخیە ڤه دگرت ڕێزا من بو هەرکەسەک و هەر خویندەڤانەکێ ڤی بابەتیە لێ دڤیاكو بهاتبا گوتن .
دێ نڤیسینەكا خودا بەری نوکە ل بارا سوشیال مێدیایێ من ئیشارەت ب هندێ کر کو ئەم هەمو پێکڤە ب بچوک و مەزن بوینە ڕاگەهاندکار و ڕەوشنبیر و میدیا کار و هتد…….. ب دروستاهی هەلبژاردنێت مەژی یێن وەلێ هاتین جهێ سەر سوڕمانێ نینە چونکو یا بویە عادەت ل دەف مە لێ پا بو من گەلەک سەیرە کا بوچی؟؟؟ .
ئەرێ هەلبژاردن مافێ ڕەوایێ هەر تاکە کەسەکیە لێ چاوا؟؟ ئایا هەرکەسەک دکاریت کو ڤێ بەرپرسیارەتیێ ب باشی و ب خوە باوەڕی و ب ڕاست و دروستاهی ڕێڤە ببەت ؟؟ ئایا دبت کو هەرکەسەک هات خوە بەربژێر بکەت ؟؟
ل وەلاتێن پێشکەفتی دەمێ هەلبژاردن چێدبن کەسێن زانا و شارەزا و یێ خودان خزمەت بیت ب درێژاهیا دیروکا کو تێدا ژیای ژلایێ حزبایەتیێ ڤە و یا ژ هەمیا گرنگتر لسەر کەسایەتیا وی کەسی دمینیت لدیف رەوشنبیریا وی کەسی لێ مافێ هەرکەسەکیە کو خوە هەلبژێریت لێ ب دیتنا من ئەگەر کەسێن کو خزمەتا کەرتێ حکومی دکەن یان کەرتێ تایبەت (بازرگان و تاجر) یان دکتور و موهەندس و ماموستا یان هەرپلە و پایەک و پۆستێن مەزن یان بچوک هەبیت پێتڤی ناکت کو خوە هەلبژێریت هەلبت ب دیتنا من، بلا دەرفەت هەبت بو کەسێن ل کەرتێ حزبی کار کریە و ب پێرو و پروگرامێ حزبا خو ئاشنا بیت و کار کربیت بو وان کەسێن کو ب سالانە خزمەت هەین دناڤا ڤێ پروسێ دا.
ژبو داکو پتر بو مە دیار بیت نمونەکا بچوک دبێژم: وەکۆ خێزان،خێزان بچوکترین كومە دناڤا جڤاكی، دناڤا خێزانێ پروسەیا پەروەردە کرنێ یێ دارشتیە دەما کو سەروکێ خێزانێ نە یێ حازر بیت یا کارەک هەبیت کەسەک دناڤا خێزانی دئێتە هەلبژاردن بو هندێ كو نینەراتیا خێزانێ دکەت و دێ هەر بارەکی دا دێ ب رێڤە بت بێ گومان خێزانژی دێ كەسەكی هەلبژێریت کو یێ ڕەوشنبیر و ڕاست بیت و خودان باوڕ ڤێجا ژ خێزانێ مەزنتر ویجاخ و عەشیرە ب هەمان شێوە و هەتا کو گەهیتە کومەلگەهی و تا کو بگەهیتە ده ستهەلاتداریێ …..
“هەموو یێت بووینە بەربژێر“
هەژی گوتنێیە کو ئەم هەمو کار پێکولان دکەین ژ بو ئارمانجەکا دیار کری ژ بو گەهشتن ب پاشە ڕوژەکا گەش كو چارە نڤیسا مللەتی بێتە دیار کرن.
ئارمانج یا دیار کریە لێ هەمو نابنە نینەر هەرئێک کارێ خوە هەیە، هەرئێک کارێ خوە ب ڕێڤە دبت بو نموونە: بازرگان نابت کرێکار ، ماموستا نابت جوتیار ، ڕێڤەبەر ژی نابت ئاسنگر،هەرئێک ژ ڤان دێ کارێ خوەدا ب شیان و زیرکە و دزانت کا دێ چاوا بڕێڤە بت،کا دێ چکەت لێ ب مخابنیڤە ئەز دبینم کو هەموو یێت بوینە بەربژێر ژ هەمو کەسان یێ کارێ خو هەی ونەی یێ دناڤا ڤی کاری دا یێ نە دناڤا کاریدا و ئەڤە گەلەک جهێ سەر سوڕمانێیە .
ئەڤ نموونە من لسەر هندێ ئینا کو د پروسیسا هەلبژاردنێ یان بەربژێر کرنێ ژ بو کو ببیتە وەکیل و نینەرێ خەلکەکی د سلوکێ حزبایەتیدا،هەلبت دڤێت کەسین شارەزا و خودان شیان بێنە هەلبژاردن دڤێت بەری كو پروسە بێتە ئەنجامدان د پێشدا سیستەمەکێ داڕێشتی و بنجه کری هەبیت ڤێجا کەسێن دیار کری خودان کەسایەتی بێنە هەلبژاردن ژبو هندێ داکو ئەڤ کەسە بکاریت بەرگری ژ ماف و چارە نڤیسا خەلکێ خوە بکەت. هیڤیدارم کو ئەڤ هەلبژاردنە ب سەرکەفتیانە بدوماهیک بێت .
((ئەدیبا عزالدین تاهر-2022))
Comments are closed, but trackbacks and pingbacks are open.