پارێزگەها هەولێرێ ڕاگەهاند، ل هەولێرێ ١٢ یانە و ریستۆرانت و کافیێن دی بسەدەمێ پابەندنەبوون ب رێنمایێن ساخلەمیێ و بڕیارا ئەرکدارکرنا ژوورا ئۆپەراسیۆنێن پارێزگەها هەولێرێ بۆ بەرهنگاربوونا ڤایرۆسێ کۆرۆنایێ، دائێخستن و رێکارێن یاسایێ ژی ل هەمبەر خۆدانێن وان دێ وەرگرن.
ب بڕیارا ژوورا ئوپەراسیۆنێن پارێزگەها هەولێرێ و لژنەیێن پشکنین و چاڤدێریا قائیمقامیا ناڤەندی ڕێڤەبەریا گەشت و گوزارێ، ١٢ یانە و ریستۆرانت و کافیێن دی هاتنە دائێخستن، پارێزگەها هەولێرێ ژی ڕاگەهاندنەک بەلاڤکریە و تێدا هاتیە، بسەدەمێ پابەندنەبوونێ ب بڕیار و رێکارێن ژوورا ئۆپەراسیۆنێن پارێزگەها هەولێرێ و جێبەجێنەکرنا رێنمایێن ساخلەمیێ، ل هەولێرێ ١٢ ریستۆرانت و کافیێن دی بسەدەمێ پابەندنەبوون و سەرپێچیێ ژ بڕیاران دائێخستن.
ل گورەی ڕاگەهاندنا پارێزگەها هەولێرێ، ئەڤ هەوە دگەل لژنەیێن پشکنین و چاڤدێریا قائیمقامیا ناڤەندی و ڕێڤەبەریا گشتیا گەشت و گوزارێ، دێ یا بەردەوام بیت و ئارمانجا وێ پاراستنا ساخلەمی و سەلامەتیا وەلاتیانە و پشتراستبوونە ژ جێبەجێکرنا رێنمایێن ساخلەمیێ و رێکارێن خۆپارێزیێ و بڕیار و ئەرکدارکرنا ژوورا ئۆپەراسیۆنێن پارێزگەها هەولێرێ.
Comments are closed, but trackbacks and pingbacks are open.