كوربه‌ندێ بازرگانى و وه‌به‌رهێنانێ و بیناسازیێ دناڤبه‌را عێراقێ و توركیا هاته ئه‌نجام دان، تێدا شاندێ حكومه‌تا هه‌رێما كوردستانێ كو پێكهاتبوون ژ ئومێد سه‌باح سه‌رۆكێ دیوانا جڤاتا وه‌زیران و دكتور محه‌مه‌د شوكرى سه‌رۆكێ ده‌سته‌یا وه‌به‌رهێنانێ و چه‌ند په‌رپرسێن دى پشكداربوون ، دڤێ كۆمبوونێ دا به‌حسى ره‌وشا بازرگانى و وه‌به‌رهێنانێ هاته كرن و هه‌ردوو لا ته‌ئكیدی ل سه‌ر به‌رفره‌هكرنا په‌یوه‌ندیان كر.
دكۆمبوونێ دا محه‌مه‌د مووش وه‌زیرێ بازرگانییا توركیا راگه‌هاند ، ژئه‌گه‌رێ ڤایرۆسا كۆرۆنایێ لڤینا بازرگانى كێم بوویه ، ئارمانجا مه بۆ قوناغا پشتى كۆرۆنایێ گوهورینا بازرگانى دگه‌ل هه‌رێما كوردستانێ بلند بكه‌ین، هه‌روه‌سا ئه‌ڤ كوربه‌نده ببیته بنه‌مایه‌ك بۆ پێشڤه‌به‌رنا په‌یوه‌‌ندیین بازرگانى و ئابوورى.
ئومێد سه‌باح سه‌رۆكێ دیوانا جڤاتا وه‌زیرێن هه‌رێما كوردستانێ راگه‌هاند، ل سه‌ر راسپاردا سه‌رۆكایه‌تییا وه‌زیرێن هه‌رێما كوردستانێ پشكدارى دكونفراسى دا كرییه و نوونه‌راتییا حكومه‌تا هه‌رێما كوردستانێ دكه‌ن.
گوت ژى ، كومبوون دگه‌ل وه‌زاره‌تا بازرگانییا توركیا كرییه و ته‌وه‌رێ سه‌ره‌كى یێ كۆمبوونێ ژى چاره‌سه‌ركرنا هه‌موو كێشێن پێدڤى ب ده‌روازێن سنورى بوو داكو ئاستێ لێگوهورینا بازرگانى بلند بیت.
هه‌روه‌سا محه‌مه‌د شوكرى، سه‌روكێ ده‌سته‌یا وه‌به‌رهێنانێ ل كوردستانێ، ئاماژه ب وێ چه‌ندێ كر كو توركیا بۆ هه‌رێما كوردستانێ یا گرنگه و ده‌روازیه‌كا سه‌ره‌كى یه بۆ هه‌رێما كوردستانێ و عێراقێ و وه‌لاتێن كه‌نداڤى، هه‌روه‌سا ژلایێ وه‌به‌رهینانێ و بیناسازیێ ژى توركیا بۆ كوردستانێ یا گرنگه و كومپانیێن وه‌لاتێ وان رۆله‌كێ به‌رچاڤ د ئاڤادانكرنا
كوردستانێ دا هه‌یه.
توركیا ئارمانجا وان قه‌بارا لێگوهوریینا بازرگانى، دگه‌ل عێراقێ و هه‌رێما كوردستانێ بۆ سه‌ر 20 ملیار دۆلار بلند بكه‌ت.
Comments are closed, but trackbacks and pingbacks are open.