” وان دڤێت ل سەدەیا دووێ یا تەمەنێ توركیا دا، ئافرەتەك ببیتە سەرۆككۆمار. “
پەروین بۆلدان، هەڤسەرۆكا پارتا دیمۆكرات یا گەلان راگەهاند، سیستەمێ هەڤسەرۆك بۆ ژنان دەستكەفتەكا گەلەك گرنگ بوو. نوكە دەم هاتییە ئەو ئارمانجە مەزنتر لێ بهێت و وان دڤێت د سەدەیا دووێ یا تەمەنێ كۆمارا توركیا دا ئافرەتەك ببیتە سەرۆككۆمار. ژبۆ ڤێ مەرەمێ ژی تاكە پارتا سیاسی یا داكۆكییێ ل مافێن ژنان دكەت، پارتا هەدەپێ یە و ئەو پارت دێ ئافرەتەكێ بۆ وەرگرتنا وی پۆستی دەستنیشانكەت.
دهێتە زانین، پێشتر ل سالا 1993ێ تانسو چێلەر، سیاسەتمەدارا توركیا وەك ئێكەم ژن د دیرۆكا توركیا یا نوی دا پۆستێ سەرۆكوەزیرێن وی وەلاتی وەرگرتبوو.
هەلبژارتنێن پەرلەمان و سەرۆكاتییا كۆمارا توركیا ل هەیڤا خزیرانا سالا 2023ێ دێ هێنەكرن، هەتا نوكە رەجەب تەیب ئەردوگان راگەهاندییە ئەو دێ خوە ژبۆ پۆستێ سەرۆك كۆماری بەربژاركەت.
Comments are closed, but trackbacks and pingbacks are open.