هەڤپەیمانییا نێڤدەولەتییا دژی داعش ڕاگەهاند، هەر ژدەستپێكا ڤێ هەیڤێ و هەتا نوكە 23 ئۆپڕاسیۆن ل دژی چەكدارێن وێ ڕێكخستیێ ئەنجامدایینە و 25 هەوڵێن چەكداران ژناڤبرینە، كو لبەربوو كریارێن تیرۆری ل دژی وەڵاتیێن سڤیل ل عیراقێ و سوریێ ئەنجام بدەن.
كۆڵۆنێڵ واین مارۆتۆ، پەیڤدارێ بناڤێ هەڤپەیمانییا نێڤدەولەتییا دژی داعش، د تویتەكێدا كو بهەرسێ زمانێن ئنگلیزی و عەرەبی و كوردی بەڵاڤكرییە، دبێژیت: ئۆپڕاسیۆنێن دڤێ مەهێدا هاتینە ئەنجامدان بهەڤپشكی بوون دگەل سوپایێ عیراقێ و هێزێن سوریا دیموكرات.
كۆڵۆنێڵ واین مارۆتۆ ئەو چەندە ژی خۆیاكر، كو هێزێن سوریا دیموكراتی پشتبەستن ب زانیاریێن هەواڵگێرییا هەڤپەیمانان، شیایینە پێنج ئەندامێن شانەیەكی نڤستیا داعش دەستەسەر بكەن، و دەست بسەر چەنداتیەكا زۆر یا چەك و تەقەمەنیاندا بگرن و كارگەهەكا دورستكرنا مین و تەقەمەنیان دسنورێ پارێزگەها دێرەزوور دا ژناڤ ببەن.
Comments are closed, but trackbacks and pingbacks are open.