ل گۆرى وان زانیاریێن سپێده‌یا ئه‌ڤرۆ د میدیایا ئیراقیدا به‌لاڤبووین، د كۆمبوونا شڤێدی یا جڤاتا وه‌زیرێن ئیراقێدا هاتییه داخوازكرن هه‌لبژارتنێن په‌رله‌مانێ ئیراقێ بۆ مه‌ها چار یا سالا 2022 بهێنه پاشخستن، ئه‌ڤه د ده‌مه‌كیدایه كو هژماره‌كا پارت و هه‌ڤپه‌یمانێن سیاسییێن ئیراقێ ب فه‌رمى ڤه‌كێشانا خۆ ژ هه‌لبژارتنێن بهێت یێن په‌رله‌مانێ ئیراقێ راگه‌هاندینه، ژ وان ژى ره‌وتا سه‌در.
سه‌ربه‌ست مسته‌فا سه‌رۆكێ پێشتر یێ كۆمیسیۆنا بلندا سه‌ربه‌خۆیا هه‌لبژارتنێن ئیراقێ ل دۆر لایه‌نێ یاساییێ پاشخستنا هه‌لبژارتنان راگه‌هاند، ب تنێ دوو رێك بۆ پاشخستنا هه‌لبژرتنێن 10ى ئۆكتۆبه‌را بهێت یا په‌رله‌مانێ ئیراقێ هه‌نه.
گۆت ژى، كۆمیسیۆنا ئیراقێ به‌رهه‌ڤییێن هه‌لبژارتنان ب دووماهى ئیناینه و خۆڤه‌كێشانا هنده‌ك حزبان چ كاریگه‌رییا خۆ نابیت، لێ ئه‌گه‌ر خواستا پاشخستنێ هه‌بیت، دوو رێك هه‌نه ئه‌و ژى، یان كۆمیسیۆن بریارا پاشخستنێ بده‌ت، یان ژى ب بریاره‌كا سیاسى هه‌لبژارتن بهێنه پاشخستن.
سه‌ربه‌ست مسته‌فا گۆت ژى، ژبلى ڤان هه‌ردوو رێكان هیچ مومكین نینه هه‌لبژارتن بهێنه پاشخستن
Comments are closed, but trackbacks and pingbacks are open.