هێزێن رووسییا بۆ رۆژا دووێ كریارێن سه‌ربازی دناڤ ئۆكرانییا دا ئه‌نجام ددەن، میدیایێن جیهانی ئاشكرا دکەن، سوپایێ رووسییا گەهشتینە ده‌وروبه‌رێن كیێڤ پایته‌ختێ ئۆکرانییا.
هەروەسا میدیایێن رووسی بەلاڤ كرییه، ده‌نگێ ته‌قینان ل باژێرێ كیێڤ ل پایته‌ختێ ئۆكرانییا دهێتە بهیستن، فرۆكخانا ئانتۆنۆڤ یا ل نێزیك كیێڤ ژ لایێ هێزێن رووسییا ڤە هاتییە كۆنتڕۆل كرن، کەفتنا کیێڤ نێزیک بوویە.
كه‌نه‌دا ژی سزا خستنه سه‌ر بانكا ناڤه‌ندی یا رووسییا، ئیمانوێل ماكرۆنی داخواز كرییە، ده‌رگەهێ دانوستاندنان ل گه‌ل پوتینی ب ڤەکری بمینیت.
ئه‌نتۆنی بلینكن، وه‌زیرێ ده‌رڤە یێ ئه‌مریكا دووپاتی ل هندێ کر، واشنتۆن یا ئاماده‌یه ل رۆژهه‌لاتێ ئورۆپا بەرهنگاری مۆسكۆ ببیت.
Comments are closed, but trackbacks and pingbacks are open.