وه‌زاره‌تا ئاڤه‌دانكرن و ئاكنجیكرنێ ل هه‌رێما كوردستانێ گرێبه‌ستا هێلا شه‌مه‌نده‌فرێ ل هه‌رێمێ ل گه‌ل كۆمپانییه‌كا ئیسپانی ئیمزا كر” درێژییا وێ هێلێ ژی 915 كیلۆمه‌ترن و دێ ب سێ قۆناغان ب دووماهی هێت.
ئه‌ڤرۆ ئاگرین عه‌بدوولا بریكارێ وه‌زاره‌تا ئاڤه‌دانكرن و ئاكنجیكرنێ ل هه‌رێما كوردستانێ د كۆنگره‌یه‌كا رۆژنامه‌ڤانیبدا راگه‌هاند، وه‌زاره‌تا وان پێنگاڤه‌كا دی هاڤیتییه بۆ كاركرن ل سه‌ر دامه‌زراندنا تۆرا هێلا شه‌مه‌نده‌فرێ ل هه‌رێما كوردستانێ، ئه‌و ژی ئیمزاكرنا گرێبه‌سته‌كێ یه ل گه‌ل كۆمپانییا كۆنسه‌لتراسی یا ئیسپانی، ئه‌ڤ كۆمپانییه شه‌هره‌زایه د ئه‌نجامدانا ڤه‌كۆلین بۆ گونجاندنا ئابووری.
گۆت ژی، ئیمزاكرنا ئه‌وێ گرێبه‌ستێ بۆ ڤه‌كۆلینێ یه ل دۆر گونجاندنا ئابووری داكو بهێته زانین ئه‌رێ دامه‌زراندنا تۆرا هێلا شه‌مه‌نده‌فرێ ل هه‌رێمێ ژ روویێ ئابوورییێڤه دێ چ كارتێكرنێن ئه‌رینی ل سه‌ر كۆمه‌لگه‌ها هه‌رێما كوردستانێ هه‌بیت.
Comments are closed, but trackbacks and pingbacks are open.